काठमाडौं (हाम्रो खेलकुद)- एएफसी महिला एसियन छनोटको पहिलो हाफमा नेपाल विरूद्ध घरेलु टोली उज्वेकिस्तानले पहिलो हाफमा ३-१ को अग्रता बनाएको छ।

उज्वेकिस्तानको अग्रता्ा खाबबुलेएभा र मातफुना सोयीमोभाले गोल गर्दा नेपालकी समिक्षा घिमिरेको आत्मघाती गोल भएको थियो। नेपालको लागि सावित्रा भण्डारी (साम्बा) ले एक गोल गरिन्।

खेलको दोस्रो मिनेटमा नै घरेलु टोली उज्वेकिस्तानले अग्रता बनायो। फेरुजा टुर्डिबोएभाको सटलाई डिफेन्डर गीता रानाले हेडर मार्फत ब्लक गरेपनि अनमार्क रहेकी खाबिबुलेएभाले बक्स भित्रबाट पहिलो बारमा गोल गर्दा गोलकिपर अन्जना राना मगरले कुनै मौका नै पाइनन्।

पहिलो गोल खाएर सम्हालिन नपाउँदै नेपालले १२ औं मिनेटमा दोस्रो गोल बेहोर्यो। उज्वेकिस्तानकी कप्तान लिउडमिला कराचिकको क्रस गोल लाइन नजिकै रहेकी नेपालकी समिक्षा घिमिरेको खुट्टामा लागेर गोलमा परिणत भयो।

खेलको २४ औं मिनेटमा नेपालले गोल फर्कायो। कप्तान साम्बाले गोल गरिन्। अन्जनाको लामो गोल किकमा उज्वेकिस्तानकी किपर मातफुना बक्स बाहिर आएर हेड गर्दै बल क्लियर गर्न खोजिन्। बल क्लियर भएन । रश्मि कुमारी घिसिङले हेडर पास दिएको बललाई साम्बाले करिब २५ यार्डबाट हानेको लेफ्ट फुटेट सटले जाली चुम्यो। उनको यो ६१औं खेलमा ६५ औं गोल हो। नेपालले खेललाई २-१ मा पुर्यायो।

तर खेलको ३७ औं मिनेटमा सरस्वती हमालको ह्यान्ड भएफछि उज्वेकिस्तानले पेनाल्टीको अबसर पायो। मातफुना सोयिमोभाले गोल गरिन्। उज्वेकिस्तानले ३-१ को अग्रता बनायो। पहिलो हाफ‌ यही नतिजामा सकियो।

पहिलो हाफको इन्जुरी समयमा साम्बालाई फाउल हानेकी नोजिमाखोन इर्गासेबा दोहोरो पहेंको कार्ड पाउँदै मैदसन बाहिरिन्। उज्वेकिस्तान १० जनामा समेटियो।

यसअघि दुई खेल जितेका दुवै टोलीलाई छनोट हुन जित्न जरुरी छ।