काठमाडौं (हाम्रो खेलकुद) – साफ यु-२० महिला च्याम्पियनसिपको पहिलो हाफमा नेपालले भुटान विरूद्ध ६-० को अग्रता बनाएको छ ।

बङ्गलादेशमा जारी खेलमा पुर्णिमा राईले पहिलो हाफमै ह्याट्रिकको सफलता प्राप्त गरिन् ।‌ मिना देउवाले दुई र समिक्षा मगरले एक गोल गरे ।

नेपालले खेल सुरू भएको ४४ औं सेकेन्डमा नै अग्रता बनायो। सरिता कुमारी नाथको क्रसलाई भुटानकी डिफेन्डरले ब्लक गरेपनि मिना देउवाले बललाई सही दीशा दिईन्। खेलको नवौं मिनेटमा नेपालले अग्रता दोब्बर पार्यो । समिक्षाले हानेको लामो‌ प्रहार क्रसबारमा लागेर आएको बल भुटानकी गोलकिपरलाई लाग्दै गोलमा परिणत भयो।

१२ औं मिनेटमा नेपालले तेस्रो गोल गर्यो। सुक्रीया मियाले हानेको प्रहारलाई भुटानकी गोल किपरले रोकेपनि रिबाउन्डमा ६ यार्ड बक्स भित्रबाट मिनाले हानेको लेफ्ट फुटेट सटले जाली चुम्यो ।

गोलको वर्षा भएको खेलको २३ औं मिनेटमा मिनाको पासमा पुर्णिमा राईले क्लोज रेन्जबाट गोल गरिन् । नेपालले ४-० को अग्रता बनायो।

इन्जुरी समयको पहिलो मिनेटमा सरिताको फ्रि-किकमा गोल किपरले मिस जज गर्दा पुर्णिमाको हेडर‌ गोलमा परिणत भयो । इन्जुरी समयको अन्तिम मिनेटमा डिफेन्डरलाई छलाउँदै पूर्णिमाले उत्कृष्ट गोल गरिन् । यो सँगै उनले ह्याट्रिक पुरा गरिन् । पहिलो हाफमा नेपालले ६-० को अग्रता बनाएको छ ।‌

पहिलो खेलमा भुटानलाई ६-१ ले हराएको नेपाल दोस्रो खेलमा आयोजक बङ्गलादेशसँग ३-२ गोल अन्तरले हारेको थियो । तेस्रो र चौथो खेलमा श्रीलंकालाई समान ७-० ले हराएको थियो ।