एजेन्सी – इन्टर मियामी लिग्स कपको अन्तिम आठमा पुगेको छ। पछाडि परेको अवस्थामा पनि उत्कृष्ट पुनरागमन गर्दै मियामी क्वाटरफाइनल पुगेको हो।

रोड्रिगो डे पाउलले इन्टर मियामीका लागि आफ्नो पहिलो गोल गरेका छन् । जसले मेक्सिकन पावरहाउस पुमासलाई ३-१ ले हराउँदै मियामीले लिग्स कपको अघिल्लो चरण यात्रा तय गरेको छ।

लुइस सुआरेजले आक्रमणतर्फको जिम्मेवारी सम्हाल्ने क्रममा टोलीकस तीनै गोलमा भूमिका खेले। हाभिएर म्यास्चेरानोको टोलीले प्रतियोगिताको शीर्ष दाबेदार मध्ये एक मानिएको पुमासलाई सजिलै पराजित हरायो ।

लिओनेल मेस्सीको अनुपस्थितिमा मियामी खेलको सुरुवातमा लयमा आउन संघर्ष गरिरहेका थियो । पुमासले ३४औं मिनेटमा जोर्जे रुबलकाबाको कुशल काउन्टर अट्याक गोलबाट अग्रता लियो ।

चोटपछिको पुनरागमनमा लयमा फर्किरहेका यानिक ब्राइटले बराबरीका‌ लागि भूमिका निभाए। उनको लामो पासमार्फत सुआरेजलाई भेट्टाए । उनको पासमा डे पाउलले ४४ औं मिनेटमा गोल गर्दै पहिलो हाफमा टोलीलाई बराबरीमा ल्याए।

मियामीले त्यसपछि सुआरेजको फ्रि-किकमार्फत दोस्रो गोल गरेको थियो । तर उनले गोल गर्दा अफसाइडमा रहेकाले भिएएआरले त्यसलाई मान्यता दिएन।

तर ५९ औं मिनेटपछि फेरि अवसर मिल्यो। टेलास्को सेगोभियाको बक्सभित्रको अनियन्त्रित टच पुमासको डिफेन्डरको हातमा लाग्यो। रेफ्रीले पेनाल्टी दिए र सुआरेजले गोल गरे। ७०औं मिनेटमा सुआरेजले दिएको पासमा टाडेओ अल्लेन्डेले सजिलै गोल गरे।