एजेन्सी – हेरी केनले पूर्व क्लब टोटनहम हट्स्परविरुद्ध गोल गरेको प्रि सिजन मैत्रीपूर्ण खेलमा बायर्न म्युनिख ४-० ले विजयी भएको छ।

पेनाल्टी मिस गर्दै बायर्न म्युनिखलाई एलियान्ज एरिनामा बिहीवार खेलमा केनले पेनाल्टीमा अर्को गोल गर्ने मौका चुकाए।‌

इङ्ग्ल्यान्डका स्ट्राइकर केनले माइकल ओलीसको लामो पास नियन्त्रण गर्दै १२ औं मिनेटमा बायर्नको लागि पहिलो गोल गरे।

तर १५औँ मिनेटमा उनले पेनाल्टी किक हान्दा चिप्लिए र बल बारमाथि बाहिरियो । बायर्नले खेलमा पूर्ण नियन्त्रण राख्यो ।‌ दोस्रो हाफमा १९ मिनेटमा ३ गोल थप्यो।

कोनराड लाइमरले दिएको पासमा किङ्स्ले कोमानले ६१ औं मिनेटमा टोलीका लागि दोस्रो गोल गरे।
दोस्रो हाफको मध्यतिर बायर्नले केनसहित केही खेलाडीको ठाउँमा युवा खेलाडी मैदान उतार्यो । त्यसमध्येका दुई खेलाडीले गोल गरे।

१७ वर्षका लेनार्ट कार्लले ७४ औं मिनेटमा १८ यार्डबाट पहिलो टचमै गोल गरे । १८ वर्षका जोना कुसि–आसारेले ८० औं मिनेटमा टोलीका लागि चौथो गोल गरे।

८६.४ मिलियन पाउण्डमा सन् २०२३ मा बायर्न पुगेपछि टोटनहमविरुद्ध केनको यो दोस्रो खेल हो । उनले गत वर्ष टोटनहमको मैदानमा मैत्रीपूर्ण खेल खेलेका थिए।

३२ वर्षीय केन टोटनहमका सर्वाधिक गोल गर्ने खेलाडी हुन् । उनले ४ सय ३५ खेलमा २ सय ८० गोल गरेका थिए।

लिभरपुलबाट बायर्नमा पुगेका समर लुइस डियाज पनि खेलमा सुरुवात गरेका थिए। इटालीको उदिनमा बुधवार पेरिस सेन्ट जर्मेनविरुद्ध युइएफए सुपर कप खेल्दै बायर्नले २०२५-२६ सिजनको सुरुवात गर्नेछ ।