एजेन्सी – बालोन ड’ओरको मनोनयनको सार्वजनिक भएको छ। सप्टेम्बरमा हुने समारोहअघि २०२५ का पुरुष तथा महिला खेलाडीको मनोनयन सार्वजनिक गरिएको हो।

च्याम्पियन्स लिग विजेता पुरुषतर्फ पेरिस सेन्ट–जर्मेन (पिएसजी) र महिलातर्फ आर्सेनलका खेलाडी मनोनयन सूचीको शीर्षमा छन्। दुवैतर्फ बार्सिलोनाका स्टार खेलाडी पनि ठुलो संख्यामा छ । जसमा लामिन यामाल, अलेक्सिया पुटेल्यास, पेड्री, ऐताना बोनमतीलगायतको नाम छ।

गत वर्षका विजेता म्यानचेस्टर सिटीका स्टार रोड्री यसपटक सूचीमा छैनन्। सेप्टेम्बरमा भएको एसिएल चोटका कारण लामो समय मैदान बाहिर रहँदा उनी मनोनयनबाट बाहिरिएका हुन्। यसपटक नयाँ पुरुष विजेता घोषणा हुनेछ।

किलियन एमबाप्पे आठौं पटक बालोन ड’ओर मनोनयन परेका छन् । २६ वर्षकै उमेरमा क्रिस्टियानो रोनाल्डो र लियोनेल मेस्सीको रेकर्डसँग बराबरी हो।

डेम्बेले, यामाल, राफिन्हा र मोहम्मद सालाह यसपटकको मुख्य दाबेदार मानिएका छन्। तर, इन्टर मिलानलाई ५-० ले हराउँदै म्युनिखमा पहिलोपटक च्याम्पियन्स लिग जितेको कारण पिएसजीका डेम्बेले अग्रपङ्क्तिमा छन्। पिएसजीले लिग १ र घरेलु कप पनि प्रभावशाली ढंगले जितेको थियो।

यामाल र राफिन्हाले हान्सी फ्लिकको पहिलो सिजनमै बार्सिलोनालाई घरेलु ३ उपाधि जिताएका थिए। तर, युरोपेली प्रतियोगितामा असफलता हुँदा उनीहरूको सम्भावना पिएसजीका स्टारभन्दा केही कम मानिएको छ।

सालाह अरने स्लोटको पहिलो सिजनमै लिभरपुललाई प्रिमियर लिग जिताउन महत्त्वपूर्ण रहे पनि च्याम्पियन्स लिग, एफए कप र काराबाओ कपमा असफलताले उनको सम्भावनामा असर परेको छ।

यसपटक म्यानचेस्टर सिटीका रोड्री, रोनाल्डो र मेस्सी मनोनयनमा नपरेको कारण १८ वर्षको निरन्तरता टुट्नेछ।

महिला च्याम्पियन्स लिगमा आर्सेनलले प्रशिक्षक रेने स्लेगर्सको नेतृत्वमा लिस्बोन, पोर्चुगलमा बार्सिलोनालाई हराउँदै दोस्रो पटक उपाधि जित्यो। युरोपेली सफलता पाएका क्लबका खेलाडीमध्ये क्लोइ केली, अलेसिया रूसो र लिया विलियमसनले इंग्ल्यान्डसँग महिला युरोको उपाधि पनि जिते।

युरोप र अमेरिकाका अन्य चर्चित खेलाडीमा बार्ब्रा बान्डा, टेम्वा चाविङ्गा, पर्निल हार्डर, मरियोना काल्देन्टेई र स्यान्डी बाल्टिमोर पनि मनोनयन परेका छन्।