एजेन्सी – नयाँ खेलाडी निक वोल्टेमाडेको गोलमा न्यूक्यासल युनाइटेडले वुल्भरह्याम्प्टन वान्डरर्सलाई १-० ले हराएर सिजनको पहिलो जित निकालेको छ।

स्टुटगार्टबाट क्लब–रेकर्डमा न्युक्यासल पुगेकका वोल्टेमाडेले जेकब मर्फीको क्रसलाई २९ औँ मिनेटमा निर्णायक गोल गरे। यसअघि मर्फीले सहज मौका गुमाएका थिए भने वुल्भ्सका रोड्रिगो गोमेजले खेल सुरु भएको केही क्षणमै खतरनाक प्रयास गरेका थिए।

यो जितसँगै एडी हाउको टोली ५ अंकसहित तालिकाको नवौं स्थानमा पुगेको छ। लगातार चार खेलमा हार भोगेको वुल्भ्स भने सिजनको सुरुवातमै पुछारमा परेको छ।

अन्य खेलमा बोर्नमाउथले ब्राइटनलाई २-१ ले, फुलहमले लिड्स युनाइटेडलाई १-० ले हरायो। एभर्टन र एस्टन भिल्ला तथा क्रिस्टल प्यालेस र सन्डरल्यान्डले गोलरहित बराबरी खेलेका छन् ‌।

यसअघि आकै मार्टिन जुबिमेन्दीले पहिलो पटक प्रिमियर लिगमा गोल गर्ने क्रममा २ गोल गरेपछि आर्सनलले नटिङ्घम फरेस्टलाई ३-० ले पराजित गरेको छ ।
आर्सनलविरुद्ध फरेस्टका नयाँ प्रशिक्षक एन्ज पोस्टेकोग्लुको पहिलो खेल हार सकियो।

३२ औँ मिनेटमा जुबिमेन्दीले खेलको सुरुवाति गोल गरे। दोस्रो हाफ सुरु भएको ४७ सेकेन्डमै एबेरेची इजेले तयार पारेको बलमा भिक्टर ज्योकेरेसले गोल गर्दै आर्सनलका लागि आफ्नो पहिलो सुरुवाति खेल सम्झनलायक बनाए।

क्रिस उड र ज्योकेरेस दुवैले पोस्टमा प्रहार गरे, तर खेलमा ११ मिनेट बाँकी हुँदा जुबिमेन्दीले लियान्द्रो ट्रोसरको क्रसलाई हेडमार्फत गोल गर्दै जित पक्का गरे।

लिभरपुलविरुद्ध १-० को हारपछि आर्सनल फेरि जितको बाटोमा फर्किएको छ। ४ खेलबाट ९ अंक जोड्दै आर्सनल तालिकाको शीर्ष स्थानमा उक्लिएको छ। ५ अंकसहित फरेस्ट ११ औँ स्थानमा छ।