एजेन्सी – एल‌ क्लासिकोमा यस पटक रियल म्याड्रिडले सफलता प्राप्त गरेको छ । प्रतिस्पर्धा खेलमा रियलले बार्सिलोनामाथि २-१ को रोमाञ्चक जित निकाल्यो ।

सान्टियागो बेर्नाबेउमा भएको यो खेलमा केलियन एमबाप्पे र जुड बेलिङ्घमका गोलले रियल विजयी भयो ।

२२ औं मिनेटमा एमबाप्पेले पहिलो गोल गरे। फर्मिन लोपेजले ३९ औं मिनेटमा बराबरी गोल गरे। मार्कस रासफोर्डको क्रसमा उनले गोल गरे ।

४३ औं मिनेटमा बेलिङ्घमले नजिकबाट गरेको गोल खेलको निर्णायक बन्यो । भिनिसियस जुनियरको क्रसलाई मिलियटोले हेड मार्फत मिलाई दिएपछि बेलिङ्घमले सहजै गोल गरे ।

५२औं रियलले अन्तर बढाउने मौका गुमायो । एमबाप्पेको पेनाल्टीलाई बार्सिलोनाका गोल किपरले रोके । त्यसअघि १२ औं मिनेटमा एमबाप्पेको होमलाई भिएआर जाँच पछि अमान्य गरिएको थियो।

बार्सिलोनाले १० खेलाडीमा खेलको अन्त्य गर्यो । इन्ज्युरी समयको १०औं मिनेटमा पिर्दीले दोहोरो पहेलो कार्ड पाएका थिए।

यो सिजनको पहिलो क्लासिकोमा सुरुदेखि अन्त्यसम्म खेल रोमान्चक रह्यो । खेल समाप्त भएपछि दुवै टोलीका खेलाडीहरूबीच केही तनावपूर्ण अवस्था रह्यो ।जसले भिडन्तलाई झन् नाटकीय बनायो।

जितपछि २७ अंकसहित शीर्ष स्थानको रियलले बार्सिलोनालाई‌ ५ अंकले पछि परेको छ। अन्य खेलमा भिल्लारियलले भ्यालेन्सियालाई २-० ले हरायो । मालोर्का र लेभान्तेले १-१ को बराबरी खेले।