7 years ago
March 12, 2017
काठमाडौं (हाम्रो खेलकुद) – अग्नी रुपन्देही ११ सँग आइतबार २–१ ले पराजित हुँदै जारी सिजनको सर्वाधिक सफल टोली मध्येको एक लक्ष्मी हुन्डाई मनाङ मस्र्याङ्दी क्लब टुबोर्ग दोस्रो नेपालगञ्ज गोल्ड कप फुटबल प्रतियोगिताबाट बाहिरिएको छ । रुपन्देही जितसँगै गोल्ड कपको सेमिफाइनल पुगेको छ । दश दिनअघि बंगलादेशमा शेख कमल अन्तर्राष्ट्रिय क्लब कपको सेमिफाइनल खेलेका ९ खेलाडी […]
काठमाडौं (हाम्रो खेलकुद) – अग्नी रुपन्देही ११ सँग आइतबार २–१ ले पराजित हुँदै जारी सिजनको सर्वाधिक सफल टोली मध्येको एक लक्ष्मी हुन्डाई मनाङ मस्र्याङ्दी क्लब टुबोर्ग दोस्रो नेपालगञ्ज गोल्ड कप फुटबल प्रतियोगिताबाट बाहिरिएको छ । रुपन्देही जितसँगै गोल्ड कपको सेमिफाइनल पुगेको छ ।
दश दिनअघि बंगलादेशमा शेख कमल अन्तर्राष्ट्रिय क्लब कपको सेमिफाइनल खेलेका ९ खेलाडी विना उत्रेको मनाङले आइतबार नेपालगन्ज रंगशालमा दोस्रो हाफमा लिएको अग्रता जोगाउन नसक्दा हार बेहोर्नु परेको थियो । खेलको अन्त्यतिर अमर डंगोलको निर्णायक गोलबाट अग्नी रुपन्देही अन्तिम चारमा पुगेको थियो ।
खेल सकिन १ मिनेट बाँकी रहँदा अमरले निर्णायक गोल गरेका थिए । त्यसअघि रुपन्देहीका लागि उत्तम गुरुङले ८७ औं मिनेटमा बराबरी गोल गरेका थिए । मनाङका लाग ७२ औं मिनेटमा सुशील लामाले गोल गरेका थिए । तर टोली त्यसलाई जोगाउन सकेन ।
बंगलादेशबाट फर्के लगत्तै शेख कमल खेलेका १० खेलाडी राष्ट्रिय टोलीको प्रशिक्षणमा सामेल भएका थिए । शेख कमल कप कप्तान अनिल गुरुङ, सुजल श्रेष्ठ, रोहित चन्द, विराज महर्जन, विशाल श्रेष्ठ, कमल श्रेष्ठ, हेमन्त थापामगर, विमल बस्नेत, विक्रम लामा र देवेन्द्र तामाङले खेलेका थिए । विक्रम र देवेन्द्रबाहेक ८ मनाङका आफ्नै खेलाडी हुन् । दुई दिन राष्ट्रिय टोलीको पहिलो चरणको नपरेपछि हेमन्त नेपालगञ्ज पुगेका थिए । महत्वपूर्ण खेलाडीको अनुपस्थितिमा मनाङ अन्य क्लबका केही खेलाडीलाई नेपालगञ्ज उतारेको थियो ।
जारी सिजनमा मनाङ घरेलु टोलीको सर्वाधिक सफल टोलीमध्येको एक हो । मनाङ, त्रिभुवन आर्मी क्लब र सिएमजी क्लब संकटाले समान ३ नकआउट फुटबल प्रतियोगिताको उपाधि जितेको थियो । पुसमा प्रशिक्षक छिरिङ लोप्साङ गुरुङले टोली पुनः सम्हालेयता मनाङ छैटौं प्रतियोगिताका रुपमा नेपालञ्ज गोल्डकप खेलेको थियो ।
४ वटा घरेलु नकआउटको फाइनल खेल्दा ३ उपाधि जितेको मनाङ शेख कमलको सेमिफाइनल सम्म पुगेको थियो । पुसमा हेटौडा गोल्डकप फाइनल खेलेको मनाङले त्यसपछि लगातार सुदूरपश्चिमाञ्चल खप्तड गोल्डकप, आहा रारा गोल्डकप र रमपम झापा गोल्ड कप जितेको थियो । त्यसलगत्तै टोली बंगलादेश पुगेको थियो ।
उदयपुर गोल्डकप जितेको रुपन्देही घरेलु मैदानमा गत साता सम्पन्न तिलोत्तमा गोल्डकपको सेमिफाइनल पुगेको थियो । सिजनको पहिलो भेटमा मनाङलाई हराउन रुपन्देही सफल भएको छ । सुदूरपश्चिमाञ्चल ११, नेपाल पुलिस र सिएमजी क्लब संकटा यसअघि नै प्रतियोगिताको सेमिफाइनल पुगिसकेका छन्।
बाँके जिल्ला फुटबल संघका आयोजनामा सञ्चालित प्रतियोगिताको फाइनल चैत ४ गते हुनेछ । विजेताले उपाधि सहित ५ लाख र दोस्रो हुने टोलीले २ लाख ५१ हजार रुपैयाँ प्राप्त गर्नेछन् ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]