काठमाडौं (हाम्रो खेलकुद)– फिलिपिन्सविरुद्ध हुने एएफसी एसियन कप २०१९ को छनोट खेलका लागि जापानी प्रशिक्षक ग्योतोकु कोजीले शुक्रबार अन्तिम टोलीको घोषणा गरेका छन्। दोश्रो चरणका २७ खेलाडीबाट ७ खेलाडी घटाउदै २० खेलाडी अन्तिम नामावलीमा परेका हुन्।

एसियन कप छनोटको पहिलो खेल नेपाल र फिलिपिन्सबीच मार्च २८ मा फिलिपिन्समा पहिलो खेल हुनेछ । टोलीमा विकेश कुथु, रविन श्रेष्ठ, विराज महर्जन, अनन्त तामाङ, आदित्य चौधरी, विमल घर्तीमगर, विशाल राई, रञ्जन विष्ट, हेमन गुरुङ, विक्रम लामा र कमल श्रेष्ठ रहेका छन्। त्यस्तै अञ्जन विष्ट, सुजल श्रेष्ठ, किरण चेम्जोङ, विशाल श्रेष्ठ, भरत खवास, जीतेन्द्र कार्की र रञ्जित धिमाल पनि टोलीमा अटाए। चोटमुक्त भएर फर्केका रोहित चन्द र कर्ण लिम्बु पनि टोलीमा रहेका छन्।

दोश्रो चरणबाट अनिल गुरुङ, एलेन न्यौपाने, मानबहादुर तामाङ, राजेन्द्र रावल, देवेन्द्र तामाङ, सुमन लामा र विमल बस्नेत टोलीमा पर्न सकेनन्।