एजेन्सी – युरोपेली च्याम्पियन्स लिग फुटबलको क्वाटरफाइनलमा साविकको विजेता रियल म्याड्रिड र जर्मन च्याम्पियन बायर्न म्युनिख भिड्ने भएका छन्।
युरोपियन फुटबल एसोसिएसनको मुख्यालयमा शुक्रबार आयोजित क्वाटरफाइनल ड्रमा अर्को स्पेनिश क्लब बार्सिलोनाले इटालियन क्लब युभेन्टसको सामना गर्नेछ भने एट्लेटिको मड्रिडले लेष्टर सिटीसँग प्रतिस्पर्धा गर्नेछन्। बोरुसिया डर्टमुण्डले फ्रान्सको मोनाकोलाई क्वाटरफाइनलमा प्रतिद्वन्दी पाएको छ ।
पहिलो लेगका खेलहरु अप्रिल ११/१२ तथा दोस्रो लेग अप्रिल १८/१९ मा हुनेछ।
