दिपक बोहोरा
इलाम – टुबोर्ग तेस्रो माई म्याली गोल्ड कप फुटबल प्रतियोगिता आज सुरु हुँदैछ । जिल्ला फुटबल संघ इलाम र माई म्याली फुटबल क्लब इलामको संयुक्त आयोजनामा हुने प्रतियोगिताको उद्घाटन खेलमा विभागिय टोली नेपाल पुलिस र आयोजकबीच प्रतिस्पर्धा हुनेछ ।
इलामको ठुलो टुडिखेलमा प्रतियोगिताको उद्घाटनका लागि इलाम बजारलाई सिंगारीएको छ । अखिल नेपाल फुटबल संघ (एन्फा) का अध्यक्ष नरेन्द्र श्रेष्ठको प्रमुख आतिथ्यतामा प्रतियोगिताको उद्घाटन हुने जिल्ला फुटबल संघ इलामका अध्यक्ष निरज खड्कीले जानकारी दिए ।
चैत २६ गते सम्म चल्ने प्रतियोगितामा उद्घाटन खेलमा भिड्ने दुई टोलीबाहेक लक्ष्मी हुन्डाई मनाङ मस्र्याङ्दी, ,त्रिभुवन आर्मि, नेपाल एपिएफ, सिएमजी क्लब संकटा, रुपन्देहि ११ , रमपम झापा ११ तथा भारतका ग्लोबल फुटबल क्लब आसाम , दुर्गापुर स्टिल टिएसवाई कोलकत्ता छन् ।
पूर्वी पहाडको सर्वाधिक पुरस्कार राशीको विजेता टोलीले उपाधि सहित ४ लाख रुपैँया र दोस्रो हुने टोलीले २ लाख ५० हजार रुपैयाँ प्राप्त गर्नेछ । सर्वोत्कृष्ट खेलाडीले १ सय ५० सिसिको यमाहा मोटरसाइकल प्राप्त गर्नेछन् । हरेक खेलको म्यान अफ दि म्याचले ७ हजार तथा सर्वाधिक गोलकर्ताले २५ हजार रुपैयाँ प्राप्त गर्नेछन् ।
