दिपक बोहोरा
इलाम– टुबोर्ग तेस्रो माई भ्याली गोल्ड कप फुटबल प्रतियोगिताको आयोजकविरुद्धको उद्घाटन खेलको पहिलो हाफसम्म नेपाल पुलिसले २–० को अग्रता लिएको छ । खेल सुरु भएको ५ मिनेटमै भरत शाहले पुलिसका लागि पहिलो गोल गरेका थिए । २८ औं मिनेटमा आयोजक टोलीको कमजोर रक्षापक्तिको फाइदा उठाउँदै पुलिसका अभिषेक रिजालले गोलअन्तरलाई दोब्बर पारे ।
माई भ्याली फुटबल क्लब इलाम र जिल्ला फुटबल संघ इलामको संयुक्त आयोजनामा प्रतियोगिता ठुलो टुडिखेलमा सञ्चालन भइरहेको छ ।
चैत २६ गते सम्म चल्ने प्रतियोगितामा उद्घाटन खेलमा भिड्ने दुई टोलीबाहेक लक्ष्मी हुन्डाई मनाङ मस्र्याङ्दी, त्रिभुवन आर्मि, नेपाल एपिएफ, सिएमजी क्लब संकटा, रुपन्देहि ११ , रमपम झापा ११ तथा भारतका ग्लोबल फुटबल क्लब आसाम , दुर्गापुर स्टिल टिएसवाई कोलकत्ता छन् ।
पूर्वी पहाडको सर्वाधिक पुरस्कार राशीको विजेता टोलीले उपाधि सहित लाख रुपैँया र दोस्रो हुने टोलीले २ लाख ५० हजार रुपैयाँ प्राप्त गर्नेछ । सर्वोत्कृष्ट खेलाडीले १ सय ५० सिसिको यमाहा मोटरसाइकल प्राप्त गर्नेछन् । हरेक खेलको म्यान अफ दि म्याचले ७ हजार तथा सर्वाधिक गोलकर्ताले २५ हजार रुपैयाँ प्राप्त गर्नेछन् ।
