दिपक बोहोरा
इलाम– यो सिजन दुई वटा नकआउट उपाधि जितिसकेको अग्नी रुपन्देही ११ ले आज इलाममा जारी टुबार्ग तेस्रो माईभ्याली गोल्ड कप फुटबल प्रतियोगितामा भारत कोलकाताको दुर्गापुर स्टिल टिएसवाईको सामना गर्दैछ ।
सिजनको पहिलो उपाधिका रुपमा रमपम उदयपुर गोल्डकप जितेको रुपन्देहीले यसै महिनाको सुरुआतमा नेपालगञ्ज गोल्डकपको उपाधि जितेको थियो । ठुलो टुडिखेलमा हिजो पहिलो दिन आयोजक टोलीलाई हराउँदै ३–० ले हराउँदै नेपाल पुलिस क्लब दोस्रो चरणमा पुगिसकेको छ ।
इलाम जिल्ला फुटबल संघ र माईभ्याली फुटबल क्लबको संयुक्त आयोजनामा जारी प्रतियोगिता चैत २६ गते सम्म सञ्चालन हुनेछ । पूर्वी पहाडको सर्वाधिक पुरस्कार राशीको विजेता टोलीले उपाधि सहित ४ लाख रुपैँया र दोस्रो हुने टोलीले २ लाख ५० हजार रुपैयाँ प्राप्त गर्नेछ ।
सर्वोत्कृष्ट खेलाडीले १ सय ५० सिसिको यमाहा मोटरसाइकल प्राप्त गर्नेछन् । हरेक खेलको म्यान अफ दि म्याचले ७ हजार तथा सर्वाधिक गोलकर्ताले २५ हजार रुपैयाँ प्राप्त गर्नेछन् ।
