7 years ago
April 6, 2017
दिपक बोहोरा इलाम– अतिरिक्त समयमा विशाल राईले निर्णायक गोल गरेपछि रमपम झापा ११ टुबोर्ग माईभ्याली गोल्ड कप फुटबल प्रतियोगिताको उपाधि रक्षाको नजिक पुगेको छ । नेपाल एपिएफ क्लबलाई आज १–० ले हराउँदै झापा प्रतियोगिताको फाइनल पुगेको छ । अब झापाले शनिबार हुने फाइनलमा त्रिभुवन आर्मी क्लबको सामना गर्नेछ । आर्मी अर्को विभागिय टोली नेपाल पुलिस […]
दिपक बोहोरा
इलाम– अतिरिक्त समयमा विशाल राईले निर्णायक गोल गरेपछि रमपम झापा ११ टुबोर्ग माईभ्याली गोल्ड कप फुटबल प्रतियोगिताको उपाधि रक्षाको नजिक पुगेको छ । नेपाल एपिएफ क्लबलाई आज १–० ले हराउँदै झापा प्रतियोगिताको फाइनल पुगेको छ । अब झापाले शनिबार हुने फाइनलमा त्रिभुवन आर्मी क्लबको सामना गर्नेछ । आर्मी अर्को विभागिय टोली नेपाल पुलिस क्लबलाई हराउँदै अन्तिम दुईमा पुगेको थियो ।
इलामको ठूलो टुडिखेलमा बिहीबार भएको दोस्रो सेमिफाइनलमा निर्धारित ९० मिनेटको समय गोलरहित बराबरीमा टुंगिएपछि खेल थप समयमा धकेलिएको थियो । थप १५ मिनेटको अन्तिम समयमा विशालले गोल गरेपछि झापालाई लगातार दोस्रो पटक फाइनल फाइनल पुगेको थियो । रोजिन धिमालको फ्रिकिकमा आएको बलमा विशालले गोल गरेका थिए ।
गत बर्ष फाइनलमा एपिएफलाई हराएर विजेता बनेको झापाले यसपटक सेमिफाइनलमै सोही टोलीलाई पाखा लगाएको छ । फाइनलमा भने टोलीले यो बर्षको सफल टोली मध्येको एक आर्मीको सामना गर्नेछ । आर्मी जारी सिजनको चौथो नकआउट उपाधि जित्ने दाउमा छ भने झापाले दोस्रो उपाधिका लागि प्रयास गर्नेछ । झापाले मेची नेत्रालय काँकरभिट्टा गोल्ड कपको उपाधि जितेको थियो । त्यहाँको फाइनलमा झापाले एपिएफलाई २–० ले हराएको थियो ।
आर्मीले भने यो सिजन नेपाल कप, दुबही गोल्ड कप र पुसमा हेटौडा गोल्ड कप जितेको थियो । पुसयता भने आर्मीले कुनै उपाधि जितेको छैन । झापाले पनि पछिल्लो पटक पुसमा नै काकरभिट्टा गोल्ड कप जितेको थियो ।
इलाम जिल्ला फुटबल संघ र माईभ्याली फुटबल क्लबले संयुक्त रुपमा आयोजना गरेको प्रतियोगिताको विजेताले उपाधिसहित ४ लाख र दोस्रो टोलीले २ लाख ५० हजार रुपैयाँ प्राप्त गर्नेछ ।
April 23, 2024
हिमाल खरेल, मेचीनगरझापाको बुद्धशान्तिमा शनिबार सुरु हुने तेस्रो आदर्श च्यालेन्ज कप फुटबल प्रतियोगिताको खेल तालिका सार्वजनिक भएको छ । खेल मैदान बुद्ध आदर्श माविको सभाहलमा आज भएको पत्रकार सम्मेलनमा खेल तालिका सार्वजनिक भएको हो । खेल तालिकाअनुसार उद्घाटन खेलमा आयोजक आदर्श युवा क्लबले दमकको ध्रुवतारा स्पोर्टिङ क्लबको सामना गर्नेछ । त्यस्तै, दोस्रो खेल आइतबार बिर्तामोड […]
April 23, 2024
एजेन्सी – इङ्ल्यान्ड तथा स्पेनिस क्लब रियल म्याड्रिडका युवा मिडफिल्डर जुड बेलिङहमले अवार्ड जितेका छन् । बेलिङहमले सन् २०२४ को लौरेस वल्ड स्पोर्ट्स ब्रेकथ्रु अफ द इयर अवार्ड जितेका हुन् । गत समरमा जर्मन क्लब बोरुसिया डर्टमुन्डबाट ८९ मिलियन पाउण्डमा रियल आएका २० वर्षीय बेलिङहम क्लबका लागि महत्वपूर्ण खेलाडी बनेका छन् । उनले आइतबार एल […]
April 23, 2024
एजेन्सी – मिलान डर्वीमा शहरी प्रतिद्धन्द्धी एसी मिलानलाई पराजित गर्दै इन्टर मिलान यस सिजन २०२३–२४ को इटालियन सिरी ‘ए’ को च्याम्पियन बनेको छ । मिलानोमा सोमबार राति भएको खेलमा इन्टरले एसी मिलानलाई २–१ ले पराजित गर्दै २०औं पटक सिरी ‘ए’ को च्याम्पियन बन्न सफल भएको हो । इन्टर यो सिजन पाँच खेल अगावै च्याम्पियन बनेको […]