रेडबुल राष्ट्रिय लिग अन्तर्गत विहिबार भएको खेलमा झापा ११ फुटबल क्लबले सशस्त्र प्रहरी बलको एपिएफ क्लबलाई २-१ले पराजित गरेको छ|
खेलमा अग्रता लिएको एपिएफले त्यसलाई केहि मिनेट पनि टिकाउन सकेको थिएन| एपिएफका लागि कप्तान गणेश लावतिले १३औं मिनेटमा गोल गर्दै अग्रता दिलाएका थिए| नविन लामाको पासलाई सदुपयोग गर्दै लावतिले राम्रो फिनिसिङ गरेका थिए|
अग्रता लिएको दुई मिनेट पनि नवित्दैझापाले कर्ण लिम्बुमार्फत गोल फर्कायो| रमेश दगांलको गल्तिको फाइदा उठाउँदै लिम्बुले १५औं मिनेटमा बराबरी गोल गरेका थिए| पहिलो हाफकै ३७औं मिनेटमा दिनेश कार्कीले गोल गर्दै झापालाई अगाडी बढाए| बाँकि समयमा गोल निस्किएन र झापा २-१ले विजयी भयो|
