सबिन शेर्मा
झापा – झापाको जलथल फुटबल क्लब आयोजनामा मंगलबारबाट प्रथम हल्दिबारी गाँउपालिका गोल्ड कप नकआउट फुटबल प्रतियोगिता सञ्चालन हुने भएको छ ।
विजेताले उपाधिसहित १ लाख १ हजार १ सय ११ रुपैयाँ प्राप्त गर्ने प्रतियोगितामा ८ टोलीको सहभागिता रहेको छ । जसमा आयोजक जलथल, युवा जागृति एफसी धरान, विर्तामोड युनाइटेड, पथरी स्पोर्टिङ मोरङ, सताक्षी स्पोर्टिङ एफसी, सैनिक युथ क्लब, मुनाल एफसी र झापा ७ शर्नामति छन् ।
मंगलबार उद्घाटन खेल सताक्षी र सैनिक युथबीच हुनेछ । जेठ २३ गते सम्म चल्ने प्रतियोगिताको दोस्रो हुने टोलीले ५१ हजार १ सय ११ रुपैयाँ प्राप्त गर्नेछ ।
प्रतियोगिताको सर्वोत्कृष्ट खेलाडीले ६ हजार तथा उत्कृष्ट गोलकिपर, रक्षक, मिडफिल्ड, फरवार्ड र प्रशिक्षकले समान ४ हजार रुपैयाँ प्राप्त गर्नेछन् । हरेक खेलको म्यान अफ दी म्याचले २ हजार तथा सर्वाधिक गोलकर्ताले ६ हजार रुपैयाँ प्राप्त गर्ने आयोजक क्लबले जानकारी दिएको छ ।
