जापानमा खुकुरी एफसीलाई फुटसल उपाधि

खुकुरीले शनिबार भएको फाइनलमा कुरुमी एफसीलाई २–० ले हराउँदै उपाधि जितेको हो । खुकुरीलाई जित दिलाउन आयन लिम्बु र अजय सिलवालले गोल गरेका थिए । विजेता खुकुरीले उपाधिसहित २ लाख ५० हजार तथा दोस्रो कुरुमीले १ लाख २५ हजार रुपैयाँ प्राप्त गरेका छन् । केएसयु स्पोर्टस क्लबको आयोजनामा लिग कप नकआउटका आधारमा भएको एक दिने प्रतियोगितामा १६ टोलीको सहभागिता रहेको थियो ।