काठमाडौं (हाम्रो खेलकुद) – ललित स्मृति यु–१८ फुटबल प्रतियोगितामा विभागीय नेपाल पुलिस क्लब र हिमालयन शेर्पा क्लबले विजयी शुरुवात गरेका छन् । सातदोबाटोस्थित एन्फा कम्प्लेक्सको खेलमैदानमा मंगलबार भएको खेलमा विभागीय टोली नेपाल पुलिस क्लबले ब्रिगेड व्वाइज र शेर्पाले जावलाखेल युथ क्लबमाथि ४–३ को प्रतिस्पर्धात्मक जित निकालेको हो ।

ब्रिगेड व्वाइजमाथि १–० को कठिन जित निकाल्ने क्रममा पुलिसका रेजिन सुब्बाले पहिलो हाफको इन्जुरी समयमा गरेको गोल नै निर्णायक बन्यो । सुब्बाले पहिलो हाफको इन्जुरी समयमा गोलरक्षक आफ्नो पोजिसनमा नभएको अवस्थामा जाली चुमाएका थिए । दोस्रो हाफमा दुवै पक्षले गोल गर्ने प्रयास गरेपनि थप गोल गर्न नसक्दा सुब्बाको गोल नै पुलिसको जितमा निर्णायक बन्यो ।

यता, मंगलबारै भएको अर्काे खेलमा अविनाश थापाले प्रतियोगिताको पहिलो ह्याट्रिक गरेको खेलमा हिमालयन शेर्पा क्लबले जावलाखेलमाथि ४–३ को कठिन जित निकाल्यो । १० औं मिनेटमा अविनाशको गोलबाट शेर्पाले सुरुवाती अग्रता लिएको थियो । २५ औं मिनेटमा व्यत्तिगत दोस्रो गोल गरे । का थापाले इन्जुरी समयमा गोल गर्दै ह्याट्रिक पुरा गरे । ३१ औं मिनेटमा अरुज सिंहले गोल गर्दै जावलाखेललाई खेलमा फर्काउने संकेत दिएका थिए । शेर्पाका कप्तान दिवस उराउले डि–बक्समा ह्याण्ड गरेपछि जावलाखेलले पेनाल्टीको मौका पाएको थियो । जसमा जावलाखेलका अरुज चुकेनन् । तर, ३४ औं मिनेटमा राहुल गुरुङले गोल गर्दै शेर्पालाई खेलमा अघि बढाए ।

६२ औं मिनेटमा अरुज थापाले पेनाल्टीमार्फत गोल गर्दै जावलाखेललाई पुनः खेलमा फर्काएका थिए । यसपटक पनि शेर्पाका कप्तान अविनाशले नै डि–बक्समा जावलाखेलका खेलाडीलाई फल गरेपछि जावलाखेलले पेनाल्टी पाएको थियो । ८९ औं मिनेटमा रविन कुमार तामाङले गोल गर्दै खेललाई बराबरीमा ल्याएका थिए । तर, इन्जुरी समयमा अरुज थापाले गोल गरेपछि खेल शेर्पाले आफ्नो पक्षमा पार्यो ।

जितपछि शेर्पाका प्रशिक्षक सुवास लिम्बुले टिमको खेलबाट सन्तुष्ट रहेको बताए । पहिलो हाफमा भन्दा दोस्रो हाफमा राम्रो खेल्दा टिमले जित हात पार्न सकेको बताए । उनले खेलमा अझै सुधार गर्नुपर्ने बताए । यता जावलाखेलका प्रशिक्षक नरेश थापाले गोलरक्षक र डिफेन्सबीच तालमेल मिल्न नसक्दा गोल खानु परेको बताए ।

प्रतियोगिता अन्तर्गत बुधबार दुई खेल हुदैछ । पहिलो खेलमा झापा–११ र सरस्वती क्लबबीच प्रतिस्पर्धा हुनेछ भने दोस्रो अ‍ेलमा त्रिभुवन आर्मी क्लबले लक्ष्मी हुण्डाई मनाङ–मस्र्याङ्दी क्लबको सामना गर्नेछ । प्रतियोगितामा रहीरहन मनाङलाई निश्चित जितको खाँचो छ ।

प्रतियोगिताको पहिलो खेलमा मनाङ फ्रेण्डस् क्लबसँग ३–० ले पराजित भएको थियो । आर्मीले भने सुदुर पश्चिममाथि २–० को जित निकालेको थियो ।