सबिन शेर्मा
झापा – सैनिक फुटबल क्लब प्रथम हल्दिबारी गाँउपालिका गोल्ड कप नकआउट फुटबल प्रतियोगिताको सेमिफाइनलमा पुगेको छ । मंगलबारको उद्घाटन खेलमा सिताक्षी स्पोर्टिङ एफसीलाई ३–० ले हराउँदै सैनिक अन्तिम चारमा पुगेको हो ।
सैनिकलाई जित दिलाउन समिर कटुवाल, गणेश हेम्रुम र विकास लिम्बुले गोल गरे । सिताक्षीका अरुण श्रेष्ठ खेलको म्यान अफ दि म्याच घोषित भए । झापाको जलथल फुटबल क्लब आयोजनामा सञ्चालित प्रतियोगिताको विजेताले उपाधिसहित १ लाख १ हजार १ सय ११ रुपैयाँ प्राप्त गर्नेछ ।
जेठ २३ गते सम्म चल्ने प्रतियोगिताको दोस्रो हुने टोलीले ५१ हजार १ सय ११ रुपैयाँ प्राप्त गर्नेछ । प्रतियोगिताको सर्वोत्कृष्ट खेलाडीले ६ हजार तथा उत्कृष्ट गोलकिपर, रक्षक, मिडफिल्ड, फरवार्ड र प्रशिक्षकले समान ४ हजार रुपैयाँ प्राप्त गर्नेछन् ।
हरेक खेलको म्यान अफ दी म्याचले २ हजार तथा सर्वाधिक गोलकर्ताले ६ हजार रुपैयाँ प्राप्त गर्ने आयोजक क्लबले जानकारी दिएको छ ।
हल्दिबारी गोल्ड कपमा बुधबारको खेल
जलथल फुटबल क्लबविरुद्ध युवा जागृति एफसी,धरान
