काठमाडौं (हाम्रो खेलकुद)– काठमाडौं जिल्ला लिग वाइल्ड स्पोर्टस क्लबले जितेको छ । सानो गौचरनमा बुधबार भएको फाइनलमा रामहिटी बज्र क्लबलाई २–१ ले हराएको थियो । वाइल्ड स्पोर्टसका लागि दुवै गोल अलग गुरुङले गोल गरेका थिए । रामहिटीका लागि सुशन श्रेष्ठले गोल फर्काए ।
काठमाडौं जिल्ला फुटबल संघले आयोजना गरेको प्रतियोगिताको विजेता वाइल्ड स्पोर्टसले १५ हजार र राहिटीले ६ हजार रुपैयाँ प्राप्त गर्यो ।
वाइल्ड स्पोर्टसका सुशन महत उत्कृष्ट गोलकिपर, रामहिटीका सविन खड्का उत्कृष्ट रक्षक, सोही क्लबका बसन्त मगर उत्कृष्ट मिडफिल्ड र वाइल्ड स्पोर्टसका अलग उत्कृष्ट फरवार्ड तथा सोही क्लबका नवीन महर्जन उत्कृष्ट प्रशिक्षक र ध्रुब राई उत्कृष्ट व्यवस्थापक घोषित भएका थिए ।
विजेता उपविजेता टोलीका खेलाडीलाई काठमाडौं महानगरपालिका वडा नं ५ का वडा अध्यक्ष रमेश डंगोलले पुरस्कृत गरेका थिए । जेठ ५ गतेदेखि सुरु भएको प्रतियोगितामा जिल्लाका १६ टोलीको सहभागिता रहेको थियो ।
