7 years ago
June 5, 2017
सुबास हुमागाईं काठमाडौँ (हाम्रो खेलकुद) – भारतविरुद्ध मंगलबार हुने मैत्रीपूर्ण खेलको लागि जापानिज प्रशिक्षक ग्योतोकु कोजीले शुक्रबार अन्तिम टोलीको घोषणा गरे। तर, राष्ट्रिय टोलीको प्रशिक्षणमा सहभागी भएका फरवार्ड कर्ण लिम्बु भने राष्ट्रिय टोलीको व्यवस्थापकलाई जानकारी दिएर बिहिबारनै झापा पुगेका थिए। एसियन कपको छनोट चरण अन्तर्गत फिलिपिन्सविरुद्धको खेलमा अन्तिम २०मा परेका कर्णको यस्तो व्यवहार देखेर प्रशिक्षक […]
काठमाडौँ (हाम्रो खेलकुद) – भारतविरुद्ध मंगलबार हुने मैत्रीपूर्ण खेलको लागि जापानिज प्रशिक्षक ग्योतोकु कोजीले शुक्रबार अन्तिम टोलीको घोषणा गरे। तर, राष्ट्रिय टोलीको प्रशिक्षणमा सहभागी भएका फरवार्ड कर्ण लिम्बु भने राष्ट्रिय टोलीको व्यवस्थापकलाई जानकारी दिएर बिहिबारनै झापा पुगेका थिए।
एसियन कपको छनोट चरण अन्तर्गत फिलिपिन्सविरुद्धको खेलमा अन्तिम २०मा परेका कर्णको यस्तो व्यवहार देखेर प्रशिक्षक ग्योतोकु कोजी रुष्ट देखिए। उनको टोलीमा संलग्नता बारे प्रश्न गर्दा कोजीले कर्ण आफैंले प्रशिक्षण छाड्ने निर्णय लिएको बताए। “कर्ण आफैंले टोलीको प्रशिक्षण चलिरहँदा फर्कने निर्णय गरेका हुन्। उनले व्यवस्थापकलाई जानकारी दिएर टोली छाडेका हुन्। खेलाडी आफैंले जाने निर्णय लिएकाले हामीले त्यसमा केहि भनेनौं।”
कर्णको यस्तो व्यवहारले टोलीमा उनको भविष्य बारे प्रश्न गर्दा प्रशिक्षक कोजीले खेलाडीको खेल र टोलीप्रतिको गम्भीरतामा प्रश्न उठाए। ” कुनै खेलाडीले टोलीमा पर्दा प्रशिक्षकले चाहे अनुसारको साथ दिंदैन भने पक्कैपनि प्रशिक्षकले उसलाई आफ्नो योजनामा राख्न गार्हो हुन्छ। कर्णको मामलामा उनले प्रशिक्षकले चाहेको बेलामा प्रशिक्षणमा राम्रोसँग खेल्न सकेनन्। उनले हामीलाई विश्वास दिलाउन सक्ने अवस्थानै रहेन।”
नवयुग श्रेष्ठको आगमनसँगै राष्ट्रिय टोलीको फरवार्डमा थप प्रतिस्पर्धा थपिएको थियो। पछिल्लो पटक टोलीमा रहेका कर्ण प्रशिक्षणमा राम्रो प्रदर्शन गर्न नसकेका कारण कोजीको सेटबाट बाहिर रहँदै आएका थिए। प्रशिक्षणका क्रममा ४ फरवार्ड सुरुवात गराउदा कर्ण मैदान बाहिर रहने गर्दथे। यसमै चित्त नबुझेकाले कर्णले आफु राष्ट्रिय टोलीमा नपर्ने भएपछि प्रशिक्षण छाडेको बुझिएको छ।
खेलाडी आफैंले चाहेर प्रशिक्षण छाड्न नपाइने भएपनि यसले भविष्यमा भने केहि असर पर्ने प्रशिक्षक कोजी बताउँछन्। “टोलीलाई चाहिएको बेलामा त्यसैअनुस साथ नदिने खेलाडीसँग काम गर्ने बारे मैले पुन: सोच्नुपर्छ। अहिलेनै के हुन्छ त भन्न सकिन्न तर यसले उनको राष्ट्रिय टोलीको भविष्यबारे सोच्न भने बाध्य तुल्याएको छ।”
प्रशिक्षक कोजीले फरवार्ड कर्णलाई ३ वर्षको अन्तरालपछि राष्ट्रिय टोलीमा समटेका थिए। मोफसलका प्रतियोगितामा राम्रो प्रदर्शन गरेपछि बन्द प्रशिक्षणमा कोजी आफैंले ल्याएका कर्णले प्रशिक्षणमा भने राम्रो प्रदर्शन गर्न सकेका छैनन्। भारतविरुद्धको मैत्रीपूर्ण खेलपश्चात हुने एसियन कप छनोट चरण अन्तर्गतको दोश्रो खेलमा यमनसँग खेल्ने टोलीमा पनि कर्ण नपर्ने पक्का छ।
April 20, 2024
एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]
April 20, 2024
एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]
April 19, 2024
एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]