काठमाडौँ (हाम्रो खेलकुद) – नेपालका कप्तान बिराज महर्जनले भोलि हुने यमनविरुद्धको खेलमा नेपाली टोलीले डिफेन्सलाई सुधार्दै राम्रो नतिजा ल्याउन प्रयास गर्ने बताए।
एएफसी एसियन कप छनोट अन्तर्गत समूह चरणको खेलमा नेपालले यमनको सामना गर्दैछ। भारतविरुद्ध मैत्रीपूर्ण खेलमा डिफेन्सको गल्तिका कारण गोल भएको र त्यसबाहेक पनि नेपालले पछिल्ला खेलहरुमा डिफेन्समै गल्ति गरेका कारण खेलमा पछि पारेको कप्तान बिराजले स्वीकारे।
“हामीले प्रशिक्षकको रणनीति अनुसार खेल्न सकिरहेका छैनौ। डिफेन्समा केहि कमजोरी छ भने फरवार्डमा तालमेल मिलिरहेको छैन। भोलिको खेलमा भने हामीले क्लिन सिट राख्ने लक्ष्य लिएर उत्रनेछौँ।”
“हामीले घरेलु मैदानमा हार व्यहोर्नु धेरै ठुलो घाटा हुन्छ। त्यसले अवे खेलमा झनै गार्हो हुने हुनाले भोलिको खेलमा विशेष डिफेन्समा ध्यान दिने र सकेसम्म जित नत्र बराबरीमा खेल सक्ने योजना हुनेछ।”
नेपाल र यमबिचको खेल दिनको ३:०० बजे हल्चोक स्थित एपीएफ रंगशालामा हुनेछ।
