7 years ago
August 23, 2017
लन्डन (एजेन्सी)– वायन रुनीले तत्काल लागु हुने गरि अन्तर्राष्ट्रिय फुटबलबाट सन्न्यासको घोषणा गरेका छन् । एभर्टनका फरवार्डले इङ्ल्यान्डका लागि १ सय १९ खेलमा ५३ गोल गरेका छन् । माल्टा र स्लोभाकियाविरुद्ध केही दिनमा हुने विश्व कप छनोटको लागि टोलीमा प्रशिक्षक गारेथ साउथगेटले बोलाएपनि रुनीले बुधबार नै विज्ञप्ती जारी गरि सन्न्यासको घोषणा सार्वजनिक गरेका हुन् । […]
लन्डन (एजेन्सी)– वायन रुनीले तत्काल लागु हुने गरि अन्तर्राष्ट्रिय फुटबलबाट सन्न्यासको घोषणा गरेका छन् । एभर्टनका फरवार्डले इङ्ल्यान्डका लागि १ सय १९ खेलमा ५३ गोल गरेका छन् ।
माल्टा र स्लोभाकियाविरुद्ध केही दिनमा हुने विश्व कप छनोटको लागि टोलीमा प्रशिक्षक गारेथ साउथगेटले बोलाएपनि रुनीले बुधबार नै विज्ञप्ती जारी गरि सन्न्यासको घोषणा सार्वजनिक गरेका हुन् । उनी आफ्नो खेल जीवनमा तीन विश्व कप र तीन वटा युरोपियन च्याम्पियनसिप खेलेका छन् ।
‘प्रशिक्षक साउथगेटले यो साता विश्व कप छनोटको आउँदो खेलका लागि मलाई टोलीमा डाक्नु मेरो लागि उत्कृष्ट क्षण दियो । म साच्चै त्यसको सम्मान गर्दछु’ रुनीले भने,‘तर, मैले धेरै सोच विचार गरे अब अन्तर्राष्ट्रिय फुटबल नखेल्ने निर्णय लिएको छु । यो निर्णयमा पुग्न सजिलो पक्कै थिएन । परिवार, एभर्टनका प्रशिक्षक र मेरा नजिक साथीसँग सल्लाह गरेर म यो निर्णयमा पुगेको हु ।’
इङ्ल्यान्डबाट खेल्नु जहिले पनि विशेष हुने गरेको रुनीले अनुभव सुनाए । ‘एउटा खेलाडी वा कप्तानका रुपमा बोलाइनु सम्मानको विषय हो ’ उनले अगाडि भने, ‘मलाई सयोग गर्ने सबैप्रति म अभारी छु । तर, अब विदा लिने समय आएको छ ।’ म्यानचेस्टर युनाइटेडबाट अलग हुने निर्णय गर्न पनि निकै कठिन भएको उल्लेख गर्दै उनले एभर्टन जानु निर्णय सहि भएको पनि बताए ।
‘अब सबै ध्यान क्लबमा लगाउने छु र सफलताको लागि प्रयास गर्नुछु’ उनले भने, ‘इङ्ल्यान्डको समर्थक भने सधै रहनेछु । सफल इङ्ल्यान्ड टोलीको हिस्सा हुन नसकेकोमा भने मलाई दुःख लागिरहेनछ ।’ रुनीले अहिलेको टोलीबाट भविष्यमा सफलता मिल्ने आशा पनि राखेका छन् । उनले थपे‘अहिलेका खेलाडी र प्रशिक्षकले सफलताका लागि प्रयास गर्नेछन् । त्यसमा सबैको साथ रहनेछ । एक दिन सपना साचो हुनेछ । समर्थकका रुपमा मलाई टोलीप्रति विश्वास छ ।’
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]