7 years ago
September 12, 2017
काठमाडौं (हाम्रो खेलकुद)– राष्ट्रिय फुटबल टोलीको गोलकिपर किरण चेम्जोङका लागि सोमबार दोहोरो सफलताको दिन रह्यो । राजधानीमा पल्सर स्पोर्टस अवार्ड २०७३ मा बर्षका उत्कृष्ट खेलाडी पुरुष घोषित हुँदै गर्दा किरण भने व्यावसायिक जिम्मेवारी निर्वाह गर्ने क्रममा माल्दिभ्समा लिग खेलिरहेका थिए । किरणको अनुपस्थितिमा उनकी आमा हर्कमाया राईले अवार्ड ग्रहण गरिन् भने उनी सम्मलित टोली टिसी […]
काठमाडौं (हाम्रो खेलकुद)– राष्ट्रिय फुटबल टोलीको गोलकिपर किरण चेम्जोङका लागि सोमबार दोहोरो सफलताको दिन रह्यो । राजधानीमा पल्सर स्पोर्टस अवार्ड २०७३ मा बर्षका उत्कृष्ट खेलाडी पुरुष घोषित हुँदै गर्दा किरण भने व्यावसायिक जिम्मेवारी निर्वाह गर्ने क्रममा माल्दिभ्समा लिग खेलिरहेका थिए ।
किरणको अनुपस्थितिमा उनकी आमा हर्कमाया राईले अवार्ड ग्रहण गरिन् भने उनी सम्मलित टोली टिसी स्पोर्टसलेले धिवेही प्रिमियर लिग (डिपिएल) मा सफलता हासिल गर्यो । मालहोसलाई ३–२ ले हराएसँगै किरणको टोली अंक तालिकाको तेस्रो स्थानमा उक्लेको छ ।
गत मंगलबार ताजकिस्तानसँग एएफसी एसियन कप छनोटको खेलपछि किरण मंगलबार नै माल्दिभ्स गएका थिए । ताजकिस्तानसँगको खेल भने नेपालले २–१ ले गुमाएको थियो । किरण माल्दिभ्स पुगेपछि उनको टोलीले सफलता हासिल गरेको छ । ५ खेलपछि किरणको टोलीको १० अंक पुगेको छ । १ खेल कम खेलेको माजियको पनि १० अंक छ भने ५ खेलमा १२ अंकसहित न्यू रेडियन्ट शीर्षस्थानमा छ ।
गत वर्षको प्रदर्शनका आधारमा अन्य ५ खेलाडीलाई पछि पार्दै किरणले वर्षको उत्कृष्ट खेलाडीको अवार्ड जितेका थिए ।उक्त अवार्डका लागि क्रिकेटका शदर भेषावकर, ब्याडमिन्टनका रत्न जित तामाङ, एथलेटिक्सका सोमबहादुर कुमाल र भलिबलका मानबहादुर श्रेष्ठ मनोनयमा परेका थिए ।
उनी काठमाडौंमा हुँदा मनोनयन सार्वजनिक भएको थियो । उनले अवार्डसहित पल्सरको मोटरसाइकल पनि जितेका छन् । उनले माल्दिभ्स जानुअघि हाम्रो खेलकुद डटकमसँग ‘अवार्ड’ मिस हुने बताएका थिए । यसपटक स्वदेशमा रहेका बखत उनी अन्य ७ खेलाडीसँगै युवा तथा खेलकुद मन्त्रालयबाट राष्ट्रिय प्रतिभाबाट पनि सम्मानित भएका थिए ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]