7 years ago
September 14, 2017
काठमाडौं (हाम्रो खेलकुद)– अखिल नेपाल फुटबल संघ (एन्फा) ले यसपटक होम एन्ड अवेका आधारमा १६ क्लबलाई ‘ए’ डिभिजन लिग खेलाउने प्रस्ताव गर्ने भएको छ । राजधानीका १२ ए डिभिजन क्लब र २०७२ मा राष्ट्रिय लिग खेलेका मोफसलका ४ क्लबलाई समेटेर यो पटक लिग गराउने एन्फाको तयारी छ । एन्फा अध्यक्ष नरेन्द्र श्रेष्ठको अध्यक्षतामा आज बसेको […]
काठमाडौं (हाम्रो खेलकुद)– अखिल नेपाल फुटबल संघ (एन्फा) ले यसपटक होम एन्ड अवेका आधारमा १६ क्लबलाई ‘ए’ डिभिजन लिग खेलाउने प्रस्ताव गर्ने भएको छ । राजधानीका १२ ए डिभिजन क्लब र २०७२ मा राष्ट्रिय लिग खेलेका मोफसलका ४ क्लबलाई समेटेर यो पटक लिग गराउने एन्फाको तयारी छ ।
एन्फा अध्यक्ष नरेन्द्र श्रेष्ठको अध्यक्षतामा आज बसेको केन्द्रिय समितिको बैठकले १६ टोलीसम्मको लिग गराउने निर्णय गरेको हो । यद्दपी प्रस्ताव गरिएका सबै टोलीले लिग खेल्ने नखेल्ने विषयमा भने टुंगो लागि नसकेको एन्फाका प्रमुख कार्यकारी अधिकृत इन्द्रमान तुलाधरले हाम्रो खेलकुद डट कमलाई जानकारी दिए ।
‘राजधानीका ए डिभिजन क्लब बाहेक राष्ट्रिय लिग खेल्ने चार टोलीलाई पनि खेल्न आव्हान गर्ने निर्णय भएको छ,’ उनले भने,‘उहाँहरु खेल्न तयार हुनु नहुने छलफलमा बसेपछि मात्र टुंगो लाग्नेछ ।’ तुलाधरका अनुसार एन्फाले अनुमान गरेजस्तै १६ टोलीले नै खेल्ने कुनै निश्चित भइ सकेको छैन ।
ए डिभिजन टोलीबाहेक मोफसलका झापा ११, मोरङ, रुपन्देही र सुदूरपश्चिमाञ्चल क्लबले पछिल्लो पटक आयोजना भएको राष्ट्रिय लिग खेलेका थिए । यदि मोसफलका टोलीले खेल्न तयार भएमा विना कुनै श्रेणीको प्रतिस्पर्धा चार क्लबले ए डिभिजनको मान्यता पाउनेछन् ।
जुन नेपालमा यसअघि विभागिय टोलीले मात्र सोझै ए डिभिजनको मान्यता पाएका थिए । अन्य क्लबले भने छनोट, सी, बीमा बढुवा हुँदै ए डिभिजनमा पुग्नुपर्ने हुन्थ्यो । एन्फाले यसअघि नै मंसिरबाट ए डिभिजन लिग गराउने निर्णय गरेको थियो । यद्दपी एन्फाले यो वर्षका लागि मिति तोकेको त्यो चौथो पटक हो ।
ए डिभिजन क्लब – रुस्लान थ्री स्टार , फ्रेन्ड्स , त्रिभुवन आर्मी, नेपाल पुलिस, एपिएफ, लक्ष्मी हुन्डाई मनाङ मस्र्याङ्दी, सिएमजी क्लब संकटा, हिमालयन शेर्पा, सरस्वती, ब्रिगेड ब्वाइज, जावलाखेल
राष्ट्रिय लिग खेलेका मोसफलका चार क्लब – झापा ११, मोरङ,जगदम्बा लुम्बिनी , सुदूर पश्चिमाञ्चल
April 19, 2024
एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]
April 18, 2024
काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]
April 18, 2024
काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]