काठमाडौं (हाम्रो खेलकुद) – नेपाली राष्ट्रिय फुटबल टोलीका मिडफिल्डर रोहित चन्दको टोली पर्सिजा जकार्ता इन्डोनेसिया लिगा १ मा हिजो पराजित भएको छ । पेरिसपुराले घरेलु मैदान स्टाडियो मंडला जयपुरामा पर्सिजालाई ३–० ले हराएको थियो ।
फाइल तस्बिर
तीनै गोल दोस्रो हाफमा भएको लिगा १ को वेभसाइटमा उल्लेख छ । बी सोलोसाले ह्याट्रिक गरेका थिए । झन्डै १४ हजार दर्शकका माझ सोलोसाले ६४ औं, ८५ औं र ८८ औं मिनेटमा गोल गरेका थिए ।
जितपछि पेरिसपुरा ५६ अंकसहित दोस्रो स्थानमा उक्लेको छ भने ४९ अंकका साथ पर्सिजा छैटौं स्थानमा यथावत छ । पर्सिजाले ३० खेलमा १३ खेल जितेको छ भने १० खेलमा बराबरी र ७ खेलमा हार बेहोरेको छ । शीर्षस्थानको भंयङकराको ५९ अंक छ ।
