7 years ago
October 23, 2017
काठमाडौं (हाम्रो खेलकुद)– रुस्लान थ्री स्टार क्लबलाई एएफसी क्लब च्याम्पियनसिपमा नेपालको प्रतिनिधित्व गर्नका लागि अखिल नेपाल फुटबल संघ (एन्फा)ले सिफारिस गर्ने निर्णय गरेको छ । एन्फाको नयाँ निर्वाचनको मिति तोक्न सोमबार बसेको एन्फा केन्द्रिय समितिको बैठकले थ्री स्टारलाई पठाउने निर्णय लिएको हो । एन्फाको गल्तिका कारण गत वर्ष पहिलो चरण पार गरेर पनि एएफसी कप […]
काठमाडौं (हाम्रो खेलकुद)– रुस्लान थ्री स्टार क्लबलाई एएफसी क्लब च्याम्पियनसिपमा नेपालको प्रतिनिधित्व गर्नका लागि अखिल नेपाल फुटबल संघ (एन्फा)ले सिफारिस गर्ने निर्णय गरेको छ । एन्फाको नयाँ निर्वाचनको मिति तोक्न सोमबार बसेको एन्फा केन्द्रिय समितिको बैठकले थ्री स्टारलाई पठाउने निर्णय लिएको हो ।
एन्फाको गल्तिका कारण गत वर्ष पहिलो चरण पार गरेर पनि एएफसी कप खेल्नबाट बञ्चित भएको थ्री स्टारले यसपटक नयाँ अवसर पाएको छ । एएफसी क्लब च्याम्पियनसिपको सहभागिताका लागि एसियाली फुटबल महासंघ (एएफसी) बाट क्लबको नाम माग भए बमोजिम सिफारिस गरिएको एन्फाका प्रमुख कार्यकारी अधिकृत इन्द्रमान तुलाधरले जानकारी दिए । पछिल्लो पटक आयोजित राष्ट्रिय लिगको च्याम्पियन र घरेलु फुटबलमा बलियो मानिएका कारण थ्री स्टारलाई सिफारिस गर्ने निर्णय गरेको तुलाधरले बताए ।
‘एएफसीबाट क्लब च्याम्पियनसिपका लागि क्लबको नाम माग भएको थियो । लिग वा नकआउटको च्याम्पियन टोलीको नाम पठाउन भनिएको थियो ’ उनले भने,‘हाम्रो पछिल्लो राष्ट्रिय लिग च्याम्पियन थ्री स्टार रहेको र घरेलु फुटबलमा पनि क्लबलाई बलियो मानिन्छ । थ्री स्टारका पदाधिकारीसँगको छलफलपछि नाम पठाउने निर्णय लिएका हौं । ’ थ्री स्टार २०७२ मा भएको राष्ट्रिय लिगको च्याम्पियन हो । त्यसयता राष्ट्रिय लिग आयोजना भएको छैन ।
एन्फाको अघिल्लो महिना बसेको विशेष साधारण सभाले १ करोड ५० लाख रुपैयाँ थ्री स्टारलाई क्षतिपूर्ति दिने निर्णय गरेसँगै एन्फा र थ्री स्टारबीचको विवाद अन्त्य भएको थियो । दोषीमाथि कारवाही र क्षतिपूर्ति नपाएसम्म एन्फाले आयोजना गर्ने कुनै पनि कार्यक्रममा भाग नलिने निर्णय गरेको थ्री स्टारले आफ्नै पूर्व अध्यक्ष ललितकृष्ण श्रेष्ठको स्मृतिमा आयोजना गरेको यू १८ फुटबल प्रतियोगितामा पनि भाग लिएको थिएन ।
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]