काठमाडौं (हाम्रो खेलकुद) – नेपालले आयोजक बंगलादेशसँग खेल्दै साफ महिला यू १५ फुटबल प्रतियोगिताको सुरुआत गर्ने भएको छ । दक्षिण एसियाली फुटबल महासंघ (साफ) को आयोजनामा हुन लागेको महिला यू–१५ फुटबलको खेल सार्वजनिक हुँदा नेपाल र बंगालदेशबीच डिसेम्बर १७ मा खेल हुने तय भएको छ ।
ढाकास्थित वीरश्रेष्ठ शहिद सिपाही मोहम्मद मुस्ताफा कमल स्टेडियम कमलापुरमा हुने प्रतियोगितामा डिसेम्बर १९ को दोस्रो खेलमा नेपालले भारतको सामना गर्नेछ । त्यसको दुई दिनपछि अर्को खेलमा नेपालले भुटानसँग प्रतिस्पर्धा गर्नेछ ।
प्रतियोगितामा आयोजक बंगलादेशसहित नेपाल, भारत र भुटानको सहभागिता रहेको छ । समूहको शीर्ष दुई टोलीले उपाधिका लागि डिसेम्वर २४ तारिखमा प्रतिस्पर्धा गर्नेछ ।
