बिल्बाओ (एजेन्सी) – स्पेनिश ला लिगाको साविक विजेता रियल म्याड्रिड आज एथ्लेटिक बिल्बाओको सामना गर्दै छ । बिल्बाओको घरेलु मैदानमा खेलिने सो खेल नेपाली समयअनुसार राति १.३० बजे सुरु हुने छ ।
रियल म्याड्रिडका लागि चोटबाट आगमन गरेका ग्यारेथ बेल फेरि चोटग्रस्त भएका छन् । त्यस्तै केलर नाभास र सर्जियो रामोस भने फिट हुँदै टोलीमा फर्केका छन् । घरेलु टोलीका लागि भने एमोरिक लापोर्टे यस खेलमा प्रतिबन्धित छन् ।
१३ खेलमा २७ अंकका साथ रियल तालिकाको चौथो स्थानमा रहेको छ भने निकै खराब लयमा रहेको बिल्बाओ १३ अंकसहित अंकतालिकको १६ औं स्थानमा छ । रियलले बिल्बाओसँगका पछिल्ला २६ खेलमध्ये २३ मा जित हांसिल गरेको छ ।
