लिमा (एजेन्सी) – पेरु फुटबल टोलीका कप्तान पौलो गुरेरोमाथि फिफाले १ वर्ष प्रतिबन्ध लगाएको छ । विश्व कप छनोट चरण अन्तर्गत अर्जेन्टिनासँगको बराबरीमा डोपिङ्गमा परेका गुरेरोलाई फिफाले प्रारम्भिक रुपमा प्रतिबन्ध लगाएको थियो ।
थप अनुसन्धान पछि कोकेन प्रयोग गरेको पाइएपछि ३३ वर्षीय स्ट्राइकरलाई फुटबलको सर्वोच्च निकाय फिफाले १२ महिना प्रतिबन्ध लगाएको हो । उनले अर्को वर्ष रुसमा हुने विश्व कप गुमाउने भएका छन् । पेरु सन् १९८२ पछि पहिलो पटक विश्व कपमा छनोट भएको हो ।
हाल ब्राजिलको फ्लामेन्गोसँग आबद्ध गुरेरो पेरुको सर्वाधिक गोलकर्ता हुन् । बायर्न म्युनिखका पूर्व खेलाडी गुरेरोले पेरुका लागि ८३ खेलमा ३२ गोल गरेका छन् ।
