काठमाडौं (हाम्रो खेलकुद) – नेपाली राष्ट्रिय टोलीका गोलरक्षक किरण चेम्जोङले आफ्नो नयाँ क्लब मिनरेभा पन्जाबबाट आज डेब्यु गर्ने सम्भावना छ । किरणको टोलीले आई-लिग अन्तर्गत शनिबार नेरोका एफसीको सामना गर्दैछ । खेल नेरोकाको घरेलु मैदानमा नेपाली समयानुसार दिउँसो २:१५ बजे हुँदैछ।
नेरोका आईलिगको दोस्रो स्थानमा छ भने किरणको टोली शीर्षस्थानमा छ । दुई खेल कम खेलेको पन्जाब १ अंकले अगाडी छ । लिगको ९ खेल बाँकी रहेको अवस्थामा आजको खेलमा जित हासिल गरे किरणको टोलीले शीर्षस्थानमा बलियो पकड बनाउने छ ।
खेल स्टार स्पोर्ट्स २ मा प्रत्यक्ष प्रसारण हुनेछ ।
