बिमल आज कोलकोता जाँदै

काठमाडौँ (हाम्रो खेलकुद)- भारतीय क्लब मोहन बगानसँग आबद्ध भएका नेपालका युवा स्ट्राइकर विमल घर्ती मगर आज कोलकोता तर्फ जाँदै छन्। काठमाडौँ नियमित उडान नभएपछि बिमल बागडोर हुँदै आज दिउसो १२:४५ को एअर इन्डिगोमा कोलकोता प्रस्थान गर्ने छन्।

यस सिजनको अन्त्यसम्म मोहन बगानसँग सम्झौता गरेका बिमलले आई लीगमा अबद्द हुन पाउँदा आफु निकै हर्षित भएको हाम्रो खेलकुद डटकमलाई बताए । उनी भन्छन,’ नेपालमा घरेलु लीग नभएको अवस्थामा दक्षिण एसियाकै उत्कृष्ट लीगमा खेल्न पाउदा निकै खुसी छु, मोहन बगानले मलाई निकै भरोसा गरेर भित्र्याएको छ र म उत्कृष्ट प्रदर्शन गर्न लालायित छु।’ उनले आज देखिनै नयाँ टोलीसँग अभ्यास सुरु गर्ने छन्।

मोहन बगानले आफ्नो प्रमुख स्ट्राइकर सोनी नर्ड सिजनको अन्त्यसम्म ठिक नहुने गरी घाईते भएपछि बिमललाई उनको स्थानमा अनुबन्धन गरेको हो। मोहन बगानले आई लीग अन्तर्गत सिलोंग लाजोंगसँग फेब्रुअरी ३ मा प्रतिस्पर्धा गर्ने छ।