6 years ago
January 29, 2018
लण्डन (एजेन्सी) – प्रिमियर लिग टोली आर्सनलले यसै साता बोरुसिया डर्टमन्डको स्ट्राइकर पियर-एम्रिक अबामेयाङ भित्राउन सक्ने छ । विभिन्न स्रोतका अनुसार डर्टमन्ड र आर्सनल बीच अबामेयाङका लागि ६० मिलियन पाउन्डको सम्झौता पक्का भएको छ ।
अबामेयाङ आर्सनलको इतिहासमा सबैभन्दा महँगा खेलाडि हुने छन् । सिजनको सुरुवातमा आर्सनलले अर्का स्ट्राइकर एलेक्जान्डर लाकाजेटलाई ५२ मिलियन पाउन्ड खर्चिएको थियो ।
डर्टमन्डले सुरुमा अबामेयाङका लागि ७० मिलियन पाउन्ड माग गरेको थियो । तर अबामेयाङ आफै क्लबबाट सरुवा हुन चाहेकाले डर्टमन्ड ६० मिलियन पाउन्डमै बेच्न तयार भएको जनाइएको छ ।
आर्सनलले यस विन्टर ट्रान्सफर विन्डोमा आफ्ना स्टार खेलाडि एलेक्सिस सान्चेजलाई म्यानचेस्टर युनाइटेडलाई बेच्दै उसका मिडफिल्डर हेनरिक मिखितार्यनलाई भित्राएको थियो ।
अबामेयाङले डर्टमन्डका लागि सबै प्रतियोगितामा अघिल्लो सिजन ३१ गोल गरेका थिए । यस सिजन पनि उनी राम्रो लयमा रहेका छन् । तर क्लबका लागि खेल्न इच्छा नराखेपछि डर्टमन्डले उनलाई दुई खेलका लागि छनोट गरेको थिएन ।
आर्सनल प्रिमियर लिगमा अहिले छैटौं स्थानमा रहेको छ । अबामेयाङलाई भित्राएमा आर्सनलले आफ्नो च्याम्पियन्स लिग छनोट अभियान अझ बलियो बनाउने पक्का छ ।
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]
May 18, 2024
एजेन्सी – बायर लेभरकुसेनले जर्मन शीर्ष डिभिजन बुन्डेसलिगाको २०२३-२४ सिजन भर अपराजित रहँदै लिग उपाधि जितेको छ । लेभरकुसेनले ३४ खेलको लिग सिजन भर कुनै पनि खेलमा हार नबेहोरी लिग सिजन समाप्त गरेको हो । शनिवार भएको लिगको अन्तिम खेलमा लेभरकुसेनले आउसवर्ग माथि २-१ को जित निकाल्दै अपराजित रहेको हो । लेभरकुसेनले ३४ खेलमा २८ […]