लन्डन (एजेन्सी) – नयाँ खेलाडी हेनरिख मिखितार्यानले डेब्यु गरेको खेलमा प्रिमियर लिग टोली अार्सनल स्वान्सी सिटीसँग ३-१ ले पराजित भएको छ । खेलमा अग्रता लिएको अार्सनलले लगातार तीन गोल खाएको थियो ।
नाचको मोनरियालले मेसुट अोजिलको पासमा गोल गरेपछि अार्सनलले ३३ अौं मिनेटमा अग्रता लिएको थियो । तर एक मिनेट नबित्दै स्याम क्लुकसले घरेलु टोलीका लागि बराबरी गोल फर्काए । पहिलो हाफ १-१ को बराबरीमा सकिएको थियो ।
दोस्रो हाफको ६० अौं मिनेटमा अार्सनलले मिखितार्यानलाई मोहमद एल्नेनीको स्थानमा ल्यायो । तर उक्त निर्णय सुखद रहेन । लगत्तै जोर्डन अायुले गोल गर्दै स्वान्सीलाई अग्रता दिलाए । ८६ अौं मिनेटमा क्लुकसले अग्रता दोब्बर पारे ।
लिग तालिकामा अार्सनल २५ खेलमा ४२ अंक बोक्दै छैटौं स्थानमा यथावत छ । चौथो स्थानमा रहेको लिभरपुल ८ अंकले अगाडि छ ।
