काठमाडौं (हाम्रो खेलकुद) – नेपाली राष्ट्रिय फुटबल टोलीका स्ट्राइकर विमल घर्ती मगरले आज इन्डियन लिग (आइपिएल) मा डेब्यू गर्ने सम्भावना छ । गत साता मात्र उनी आइलिगको चर्चित क्लब मोहन बगानमा आबद्ध भएका थिए ।
आइलिगमा आज साँझ ५ः४५ बजे सिलोङ लाजोङको सामना गर्दा विमल खेल्ने सम्भावना रहेको छ । सिलोङबाट राष्ट्रिय टोलीका पूर्व कप्तान अनिल गुरुङले खेलेका थिए । आज विमलले डेब्यू गरेमा यो सिजन आइलिग खेल्ने उनी दोस्रो नेपाली खेलाडी हुनेछन् । केहि साता अघि मिनेर्भामा आबद्ध भएका राष्ट्रिय टोलीका गोलकिपर किरण चेम्जाङले तीन खेलिखेलिसकेका छन् ।
शुक्रबारको खेलमा भने किरणको टोली चर्लिल ब्रदर्शसँग २–१ ले पराजित भएको थियो । गत साता रुस्लान थ्री स्टारबाट मदन भण्डारी स्मृति इटहरी गोल्डकप फुटबल प्रतियोगिताको उपाधि जितेको टोलीमा रहेका विमल त्यसपछि मोहन बगानसँग सम्झौता गर्न त्यसतर्फ लागेका थिए ।
