काठमाडौंमा जारी साफ यू–१९ च्याम्पियनसिप फुटबलमा आफुलाई अपराजित राख्दै नेपाल समुह ‘ए’ को विजेताका रुपमा सेमिफाइनल प्रवेश गरेको छ । सोमबार भएको समुहचरणको अन्तिम खेलमा नेपालले बंगलादेशलाई २–१ ले पराजित गर्दै अफगानिस्तान विरुद्धको भेट पक्का गर्‍यो ।

अपराजित राख्ने क्रममा नेपालले १–० ले पछि रहेको अवस्थालाई उल्टाउंदै खेल आफ्नो पक्षमा पार्न सफल भयो । गोलका दुबै मौका बंगलादेशले गरेको गल्तिका कारण संभव भएको थियो । खेललको ११ औं मिनेटमानै बंगलादेशले अग्रता कायम गर्‍यो । उसका रोहित सरकारले आकर्षक गोल गर्दै टिमलाई अग्रता दिलाए । यद्धपि १८ औं मिनेटमा विश्वास श्रेष्ठको प्रहार मोहमद्ध सलाउदीनको हातमा लागेपछि नेपालले पेन्ल्टी प्राप्त गरेको थियो । जसलाई अञ्जन विष्टले सदुपयो गर्दै नेपाललाई बराबरीमा ल्याए ।

भुटान विरुद्धको खेलका दौरान नायक सावित भएका विमल घर्तीमगर चल्न नसकेको खेलमा नेपालको कुनैपनि पक्ष बलियो देखिएन् । कमजोर रक्षापंति र मिडफिल्डका कारण नेपालले पर्‍याप्त तनाव झेल्यो । यद्धपि फरवार्ड लाइनअपमा पनि नेपालले कुनै जादु देखाउन सकेन् । नेपाल भन्दा तुलनात्मक रुपमा राम्रो प्रदर्शन गरेको बंगलादेश अभागि सावित भयो । उसले अक्तिरीत समय आफनै गल्तीले गोल खान पुग्दा नेपाल स्पष्ट अंकका साथ सेमिफाइनल यात्रा तय गर्न सफल भयो । सुनिल बलको कर्नरलाई गोलरक्षक अनिसुर रहमानले क्लीयर गरिसकेको अवस्थामा टिट्युल होसिन बदसाले हेड गरेपछि आत्माघाती गोलका नेपालले अग्रता हासिल गर्‍यो । यद्धपि रेफ्रिले उक्तबल आत्माघाती नभई अन्नत तामाङको गोलका रुपमा रहेको बताए । नेपालले पहिलो सेमिफाइनलमा विहिबार समुह ‘वि’ को उपविजेताका रुपमा अगिल्लोचरण प्रवेश गरेको अफगानिस्तान विरुद्ध प्रतिष्पर्धा गर्ने छ । खेलपछि बंगलादेशी प्रशिक्षक अकम सहिफुल बरि टीटुले अन्तिम समयमा भएको आत्माघाती गोल टिमको हारको कारण भएको बताए । उनले भने ‘हामिले पहिलो हाफमा राम्रो प्रेसर सिर्जना गर्न सफल भयौं । गोलका मौकाहरु पनि राम्रा थिए तर गोलरक्षकले केहि सुन्दर मौकाहरु विफल पारे ।’ उनले नेपाल विरुद्ध अधिकासं समय बल नियन्त्रणमा राखेपनि गोल गर्न नसक्दा तथा आफ्नै कारणले नेपालले खेलमा अग्रता हासिल गरेको बताए । उनले घरेलु मैदान र दर्शक भएको टिम विरुद्धको प्रदर्शन गाह्रो हुने भन्दै प्रदर्शन अपेक्षीत भएको बताए ।

नेपाली टिमका प्रशिक्षक बालगोपाल महर्जनले खेलमा सुधार हुन नसकेको भन्दै सेमिफाइनलमा सुधार हुने अपेक्षा राखे उनले भने ‘हामिले अझै राम्रो सुधार गर्न सकेका छैन्नौ खेलमा बल पोसेसन र मिड राम्रो भएन भने सेमिफाइल भन्दा माथि जाने चान्स छैन् ।’ उनले अफगानिस्तान र नेपालको संभावना बराबरी भएकाले उ विरुद्ध सबै गल्तीलाई सच्याएर मैदानमा उत्रने बताए । त्यस्तै कप्तान विमल घर्ती मगरले समग्र टिम र ब्यक्तिगत रुपमा आफ्नो प्रदर्शन पनि भुटानको भन्दा खचकिएको भन्दै सेमिफाइनलमा प्रदर्शन सुधार गर्नुको विकल्प नभएको बताए ।