6 years ago
February 25, 2018
काठमाडौं (हाम्रो खेलकुद)– पूर्व निर्धारित समय अनुसार अबको एक महिनामा अखिल नेपाल फुटबल संघ (एन्फा) ले चार वर्षका लागि नयाँ नेतृत्व पाउनेछ । मनोनयन पत्र दर्ता गरेर दुई खेमा आफ्नो पक्षमा मतदातालाई प्रभावित गराउने प्रयासमा गरिरहेका छन् । दुवैले जिल्ला दौडाहा पनि गरिरहेका छन् । एन्फाका वरिष्ठ उपाध्यक्ष मणी कुँवर र पूर्व उपाध्यक्ष कर्मा छिरिङ […]
काठमाडौं (हाम्रो खेलकुद)– पूर्व निर्धारित समय अनुसार अबको एक महिनामा अखिल नेपाल फुटबल संघ (एन्फा) ले चार वर्षका लागि नयाँ नेतृत्व पाउनेछ । मनोनयन पत्र दर्ता गरेर दुई खेमा आफ्नो पक्षमा मतदातालाई प्रभावित गराउने प्रयासमा गरिरहेका छन् । दुवैले जिल्ला दौडाहा पनि गरिरहेका छन् ।
एन्फाका वरिष्ठ उपाध्यक्ष मणी कुँवर र पूर्व उपाध्यक्ष कर्मा छिरिङ शर्पा अलग अलग टिम बनाएर निर्वाचनमा होमिएका छन् । अध्यक्ष, ४ उपाध्यक्ष र १२ सदस्य गरेर १७ सदस्यीय समितिको चयन चैत १४ गते हुने एन्फा निर्वाचनले गर्नेछ । विवादित तीन जिल्ला (भक्तपुर, नवलपरासी र मकवानपुर) तथा खेलाडी समिति बाहेक एन्फाका सबै सदस्य संस्थामा निर्वाचन भइसकेको छ ।
तर, शेर्पा समूहले आइतबार अन्तरक्रिया आयोजना गर्दै निर्वाचन हुनेमा शंका व्यक्त गरेको छ । अध्यक्षका प्रत्यासी शेर्पाले भने, ‘विभिन्न कारण देखाउदै एन्फाको निर्वाचन चारपटकसम्म सारिएको छ । यसपटक पनि चुनाव सार्ने षड्यन्त्र भएको भैरहेको छ ।’ निर्वाचन आचारसंहिता लागु नहुनुले पनि निर्वाचन हुनेमा थप शंका गर्ने ठाँउ रहने उल्लेख गर्दै शेर्पाले भने, हामी चैत १४ मै निर्वाचनको पक्षमा छौं । निर्वाचन निर्धारित मितिमै हुनुपर्दछ ।’
शेर्पाले फिफाबाट १० वर्षको प्रतिबन्ध लागेका एन्फा पूर्व अध्यक्ष गणेश थापा निर्वाचनका विषयलाई लिएर शक्ति केन्द्र धाउने गरेको आरोप लगाउँदै आफुहरुलाई त्यसले फरक नपर्ने बताए । शेर्पाले एन्फाले निर्वाचनको समयमा फिफा फरवार्ड प्रोजेक्टबाट आएको ३ करोड रकम ‘ए’ डिभिजन क्लबलाई २५–२५ लाखका दरले बाड्ने तयारी भइरहेको आरोप लगाए ।
‘हामीलाई अहिले कुनै आपत्ति छैन । तर, निर्वाचन समयमै हुनुपर्ने हाम्रो माग हो ’ शेर्पाले भने, ‘पराजित हुने अवस्था आएर निर्वाचन सार्ने षड्यन्त्र रचिएको हुनुपर्दछ । यो हामीलाई मान्य हुनेछैन ।’आफ्नो प्यानल जित्ने निकै विश्वस्त देखिएका शेर्पाले आफ्नो समूह जिते तीन महिनामै फुटबललाई आमुल परिवर्तन गरिने दोहोराउँदै परिवर्तन गर्न नसके पद ओगटेर नबस्ने बताए ।
‘हामीसँग मताधिकार ७७ सदस्य संस्थाका प्रतिनिधि छन् । अर्को टोलीमा कसैको सहारामा केन्द्रमा आएकाहरुको हावी छ । कर्मको फल खाने हामी जित नजिक छौं ’ शेर्पाले थपे ‘केही तत्वहरुले नेपाली फुटबललाई सिध्याइसकेको छ ।
अध्यक्षमा शेर्पा र कुवरको मात्र उम्मेदवारी परेको छ । चार उपाध्यक्ष पदको लागि ११ जनाको उमेदवारी परेको छ । ११ सदस्य पदको लागि ३५ जनाले मनोनयन पत्र दर्ता गराएका छन् । एक महिला सदस्य पदको लागि दुई जनाको उमेदवारी परेको छ । निर्वाचित कार्यसमितिले महासचिव र कोषाध्यक्ष मनोनयन गर्नेछ ।
एन्फाका ४५ सदस्य जिल्लाबाट १/१ जना, १४ ए डिभिजन क्लबबाट समान १ , बी डिभिजनमध्ये बाट ९, सी डिभिजनमध्ये बाट ५ जना तथा ४ समिति (खेलाडी, प्रशिक्षक, महिला र रेफ्री) समितिबाट १/१ गरि ७७ जनाले एन्फा निर्वाचनमा मतदात गर्नेछन् ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]