लण्डन (एजेन्सी) – यस सिजन उच्च लयमा रहेको म्यानचेस्टर सिटीले इंग्लिस लिग कपको रुपमा आफ्नो पहिलो उपाधि जितेको छ । सिटीले गए राति फाइनल खेलमा आर्सनललाई ३-० ले हराउन सफल रह्यो ।
सिटीले खेलको १८ औं मिनेटमा अग्रता लिन सफल भएको थियो । गोलकिपर क्लाउडियो ब्राभोको किकमा सिटीका स्टार स्ट्राइकर सर्जियो अगुएरोले आर्सनलका किपर डेभिड ओस्पिनामाथि चिप गर्दै खेलमा अग्रता दिलाए ।
सिटी दोस्रो हाफमा थप दुई गोल गर्न सफल रह्यो । लामो समय घाइते रहेका कप्तान भिन्सेन्ट कम्पनीले ५८ औं मिनेटमा टोलीको अग्रता दोब्बर पारे भने ६५ औं मिनेटमा डेभिड सिल्भाले गोल गर्दै टोलीको जित सुनिश्चित गरे ।
