काठमाडौं (हाम्रो खेलकुद) – नेपाली राष्ट्रिय फुटबल टोलीका गोलकिपर किरण चेम्जोङको मिनेर्भा पञ्जाब एफसी हिरो इन्डियन लिगमा (आइ लिग) सोमबार ऐजावलको सामना गर्दैछ । आजको खेल भारतीय समय अनुसार दिउँसो २ः१५ बजे सुरु हुनेछ ।
फाइल तस्बिर
आइ लिग अन्तिम चरणमा पुग्दा उपाधि होड पनि रोचक बन्दै गएको छ । गत साता गुकोलम केरेलासँगको खेलमा १–० हारसँगै शीर्षस्थान उक्लनबाट बञ्चित भएको थियो । आजको खेल जित्न सके मिनेर्भा पुनः शीर्षस्थानमा उक्लनेछ । ऐजावल आइ-लिगको साविक विजेता पनि हो ।
मिनेर्भा १५ खेलमा २९ अंकसहित हाल तेस्रो स्थानमा छ । एक खेल बढी खेलेको दोस्रो स्थानको इष्ट बंगालको पनि समान २९ अंक छ । १७ खेल खेलेको निरोका ३१ अंकसहित शीर्षस्थानमा रहेको छ । १० टोलीको सहभागिता रहेको ऐजावल २१ अंकसहित छैटौं स्थानमा रहेको छ । किरण गएयता मिनेर्भाको यो सातौं खेल हो ।
