काठमाडौं (हाम्रो खेलकुद) – अन्तर्राष्ट्रिय नारी दिवसको अवसर पारेर अखिल नेपाल फुटबल संघ (एन्फा) अन्र्तगतको एन्फा महिला कमिटिले महिला राष्ट्रिय टिमका सदस्य अनु लामालाई नगदसहत सम्मानित गरेको छ ।
सातदोबाटोस्थित एन्फा कम्प्लेक्समा अन्तर्राष्ट्रिय महिला फुटबल दिवसको अवसर पारेर कीर्तिमानी गोलकर्ता अनुलाई नगद २५ हजारले सम्मानित गरेको हो । लामालाई महिला कमिटिका अध्यक्ष वृन्दा देवानले रकम हस्तान्तरण गरिन् । लामाले ३५ अन्तर्राष्ट्रिय गोल गरिसकेका छन् । चोटका कारण पछिल्लो एकवर्ष यता अनु राष्ट्रिय टोलीमा रहेका छैनन् ।
एसियन फुटबल महासंघ (एएफसी) को वार्षिक कार्यक्रमअनुसार यसवर्ष एएफसीका ३० सदस्य राष्ट्रले अन्तर्राष्ट्रिय महिला फुटबल दिवसलाई पर्वका रुपमा प्रतियोगिता, वर्कसप, स्किल क्लिनिक र सेमिनारहरु गरेर मनाएका छन् ।
