लण्डन (एजेन्सी) – बार्सिलोनाका कर्पोरेट डाईरेक्टर पन्चो श्रोडरका अनुसार मेस्सीको विशाल रिलिज क्लजले पनि अन्य क्लबहरुलाई टाढा नराख्ने डर क्लबमा रहेको स्वीकारेका छन् । बार्सिलोनासँग नयाँ सम्झौता अनुसार मेस्सीको रिलिज क्लज ७ सय मिलियन युरोको छ । उनी २०२१ को नभेम्बरसम्म क्लबसँग आबद्ध छन् ।
पन्चो श्रोडर
लण्डनमा सम्पन्न खेलकुद सम्मेलनमा बोल्दै श्रोडरले यसै समर विन्डोमा नेयमारको ट्रान्सफरसँगै, सरुवा बजारमा जस्तो पनि ‘आश्चर्य’ हुन सक्ने बताए, “हामीले मेस्सीसँगको नयाँ सम्झौता अनुसार उनी खेल जीवनको अन्त्यसम्म बार्सिलोनामा बस्ने हाम्रो विश्वास छ । नेयमारको रिलिज क्लजमा पनि हामी उनले बार्सिलोना नछाड्नेमा विश्वस्त थियौं । तर हामी गलत साबित भयौं ।”
उनले स्टार स्पोर्ट्सलाई बताए, “भविष्य हेर्न सकिन्न, त्यसैले पनि अहिलेको सरुवा बजार हेर्ने हो भने जे पनि हुन सक्छ “, श्रोडर मेस्सी खेल जीवनको अन्त्यसम्म बार्सिलोनामा बस्नेमा विश्वस्त देखिएनन् ।
