अमृत चिमरिया
हेटौंडा– कुष्माण्ड फुटबल टोली (वडा नं ९) र भुटनदेवी माता फुटबल टोली (वडा नं १०) बीच मेयर कप फुटबल प्रतियोगिताको उपाधिका लागि प्रतिस्पर्धा हुने भएको छ । भुटनदेवीले वडा नं १६ लाई ४–० र कुष्माण्डले बनस्खण्डी टोली (वडा नं २ ) लाई १–० ले हराउँदै फाइनल भेट पक्का गरेका हुन् ।

हेटौंडामा सञ्चालन भैरहेको मेयर कप फुटबल–२०७४ को उपाधिको लागि ९ नम्बर वडाको कुष्माण्ड फुटबल टिम र १० नम्बर वडाको भूटनदेवी माता फुटबल टिम भिड्ने भएको छ । आईतबार भएको सेमीफाइनल खेलमा भूटनदेवी टिमले १६ नम्बर वडालाई हराएको हो भने कुष्माण्ड टिमले २ नम्बर वडाको वनस्खण्डी टिमलाई हराउ“दै फाइनल भिडन्त पक्का गरेको हो ।

अमिर श्रेष्ठको जिमा कुष्माण्डको जित पक्का भएको थियो । अमिरले २१ औं मिनेटमा गोल गरेका थिए । अमिर नै खेलेको म्यान अफ दी म्याच घोषित भए र उनले भ्वाइस अफ युथ चौकी टोलबाट प्रायोजित १ हजार रुपैयाँ प्राप्त गरे ।

अर्को सेमिफाइनलमा भुटनदेवीले आठौं मिनेटमा सुरज विष्टको गोलबाट अग्रता लिएको थियो । त्यस्तै २४ औं मिनेटमा रिजन लामाले गोल गरे भने शुसान्त लामाले ५४ औं मिनेटमा गोल थपे । अन्तिम गोल सुमन छुमीले ७० औं मिनेटमा गरे । भुटनदेवीका विवेक गुरुङ खेलेको म्यान अफ दी म्याच घोषित भए । विवेकले भ्वाइस अफ युथ चौकी टोलले प्रायोजन गरेको १ हजार रुपैयाँ प्राप्त गरे ।

फाइनल मंगलबार हुनेछ । हेटौंडा उपमहानगरपालिकाको आयोजना तथा मकवानपुर जिल्ला खेलकुद विकास समितिको व्यवस्थापनमा सञ्चालन भैरहेको प्रतियोगिताको विजेताले १ लाख ५० हजार र दोस्रो हुने टोलीले ७५ हजार रुपैयाँ प्राप्त गर्नेछन् । प्रतियोगितामा सर्वोत्कृष्ट तथा विधागत उत्कृष्ट खेलाडी पनि छनोट हुनेछन् ।