काँकरभिट्टा (हाम्रो खेलकुद) – नेपाल–इण्डो भेट्रान फुटबल प्रतियोगिताको दोस्रो संस्करणमा आइतबार विर्तामोड भेट्रान फुटबल क्लब र भारतको राइनो डुवर्स भेट्रान फुटबल क्लब विजयी भएका छन् ।

पहिलो खेलमा विर्तामोडले सीबीसी भेट्रान फुटबल क्लब चन्द्रगढीलाई ५–१ ले हरायो । विर्तामोडका देवमान लिम्बुले पहिलो गोल गरे भने सिबिसिका अर्जुन राईले बराबरी गोल फर्काए । त्यसपछि सुवास सुब्बाले २ र केशवराज दाहाल १ गोल गरे । २ गोल गरेका सुवास खेलको म्यान अफ दी म्याच बने ।

आइतबारको अर्को खेलमा राइनोले एभरेष्ट भेट्रान फुटबल क्लब मोरङलाई १–० ले हरायो । राइनोका दिव्य ज्योति मुखर्जीले निर्णायक गोल गरेका दिए । दिव्य खेलको म्यान अफ दी म्याच घोषित भए । गर्दै आफ्नो टिमलाई विजयी बनाएका थिए ।

पहिलो खेलको म्यान अफ दी म्याच घोषित विर्तामोडका सुवास सुब्बा र दोस्रो खेलको म्यान अफ दी म्याच घोषित राइनोका दिव्य ज्योति मुखर्जीलाई पुरस्कार स्वरुप जनही २१ सय रुपैयाँसहित ट्रफि प्रदान गरिएको थियो । दुवै म्यान अफ दी म्याचले २ हजार १ सय रुपैयाँ प्राप्त गरे ।

मंगलबार पूर्वाञ्चल भेट्रान फुटबल क्लब र विराटनगरको बिन्दबासिनी भेट्रान फुटबल क्लव तथा धाइजन–चारआली भेट्रान फुटबल क्लब र दागापुर मनिङ भेट्रान फुटबल क्लव सिलिगुडी भारतबीच प्रतिस्पर्धा हुनेछ ।