8 years ago
April 27, 2018
काठमाडौं (हाम्रो खेलकुद)–कुनै प्रतिकुल अवस्था सृजना नभएमा अर्को साता अखिल नेपाल फुटबल संघ (एन्फा) ले नयाँ नेतृत्व प्राप्त गर्ने भएको छ । एन्फाले मातहतका सदस्य संस्थालाई अर्को साता साधारण सभा बस्ने र त्यसले नयाँ कार्यसमितिको निर्वाचन गर्ने जानकारी सहितको पत्र पठाएकोसँगै निर्वाचन हुने सम्भावना देखिएको छ ।
एन्फा अध्यक्षका उम्मेदवार मणी कुँवर र कर्मा छिरिङ शेर्पा (दायाँ) ।
यद्दपी यसअघि पनि अन्तिम समयमा पुगेर एन्फा साधारण सभा स्थगित भएको थियो । एन्फाले यसपटक तय गरेको साधारण सभा बैशाख २२ गते ललितपुर सानेपास्थित हेरिटेज गार्डेनमा हुने बताइएको छ ।
‘सम्बन्धित जिल्ला, क्लब र अन्य सदस्य सबैलाई अर्को साता साधारण सभाको लिखित जानकारी बिहीबार नै पठाइसकेका छौं,’ एन्फाको सहायक महासचिव सञ्जिव मिश्रले भने,‘ अब निर्वाचन नहुनु पर्ने कुनै कारण छैन । सबै प्रक्रियागत काम अघि बढिसकेको छ । ’
यसअघि चैत १४ गतेका लागि तय निर्वाचन उच्च अदालत पाटनको अन्तरिम आदेशपछि स्थागित भएको थियो । विवादित भक्तपुर र मकवानपुरका जिल्ला संघका प्रनिनिधिले आफुहरुको समेत सहभागिता निश्चित गराउन माग गर्दै रिट दायर गरेपछि उच्च अदालतले निर्वाचन स्थगित गर्न अन्तरिम आदेश दिएको थियो ।
केन्द्रिय निर्वाचन स्थगित भएपनि त्यहिबीचमा मकवानपुर र भक्तपुर जिल्लाको निर्वाचन सम्पन्न भएको थियो । ती दुई निर्वाचन पछि एन्फाले रिट खारेजका लागि उच्च अदालतमा निवेदन समेत दिएको थियो । उच्च अदालतले निर्वाचन स्थगनको आफ्नो अन्तरिम आदेशलाई बुधबार खारेज गरेसँगै एन्फा निर्वाचनको बाटो खुलेको हो ।
यद्दपी एन्फा निर्वाचन समितिले भने अदालतको निर्णय आउनुअघि नै बैशाख २२ गते निर्वाचन गर्न सकिने विज्ञप्तीमार्फत जानकारी गराएको थियो । एन्फाले निर्वाचन समितिको अनुरोधमा जिल्ला संघ, ए, बी , सी डिभिजन क्लब, एन्फाका ४ समिति (खेलाडी, महिला, प्रशिक्षक र रेफ्री) समितिलाई साधारण सभाको जानकारी दिन पत्राचार गरेको छ ।
नयाँ नेतृत्वका लागि एन्फाका वरिष्ठ उपाध्यक्ष मणी कुँवर र पूर्व उपाध्यक्ष कर्मा छिरिङ शेर्पा प्यानल बनाएर चुनावी मैदानमा छन् । १७ सदस्यीय कार्यसमितिका लागि हुने निर्वाचनमा एक महिला सदस्य भने निर्विरोध निर्वाचित भइसकेकी छिन् । अब १ अध्यक्ष , ४ उपाध्यक्ष र ११ सदस्यीय निर्वाचित हुनेछन् ।
२ सय भन्दा बढीको सहभागिता रहने साधारण सभामा निर्वाचनका मत अधिकार भने ७७ जनासँग रहेको छ । प्रत्येक जिल्लाबाट समान १, १४ ए डिभिजन क्लबबाट समान १, बी डिभिजनबा ९, सी डिभिजनबाट ५ तथा ४ समितिबाट समान १ गरि कुल ११ ले मताधिकारको प्रयोग गर्न पाउनेछन् ।
साधारण सभाको जानकारी दिन एन्फाले जिल्ला संघलाई पठाएको पत्र यस्तो छ ।
यस्तो छ एन्फा साधारण सभाको उद्घाटन सत्र तालिका
December 20, 2025
एजेन्सी – बोरुसिया डर्टमुन्डले बोरुसिया मोनचेनग्लाडबाचलाई २-० ले हराएको छ। जितसँगै डोर्टमुन्ड बुन्डेसलिगा तालिकाको दोस्रो स्थानमा उक्लिएको छ। खेलको १०औँ मिनेटमै डर्टमुन्डले अग्रता लिएको थियो। निक्लास जुलको क्रसमा जुलियन ब्रान्ड्टले सजिलै गोल गरे। पहिलो हाफमा मोनचेनग्लाडबाच कमजोर देखियो। उसले केही प्रहार गरे पनि गोल गर्न सकेन। डर्टमुन्डले दोस्रो गोलका अवसर पनि बनायो तर गोल हुन […]
December 20, 2025
एजेन्सी – इन्टर मिलानलाई पेनाल्टी सुटआउटमा हराउँदै बोलोग्ना इटालियन सुपर कपको फाइनलमा पुगेको छ। साउदी अरेबियाको अल-अव्वाल पार्कमा भएको सेमिफाइनल खेल निर्धारित ९० मिनेटमा १-१ को बराबरीमा सकिएपछि खेल पेनाल्टी सुटआउटमा पुगेको थियो। जस बोलोग्ना ३-२ ले विजयी भयो। खेल सुरु भएको दोस्रो मिनेटमा इन्टरले अग्रता लिएको थियो। ७२ सेकेन्डमै मार्कस थुरामले भलीमार्फत सानदार गोल […]
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
