8 years ago
April 29, 2018
काठमाडौं (हाम्रो खेलकुद)– कलाकार एवंम् निर्माता भूवन केसीले फुटबलको विषयलाई लिएर निर्माण गर्न लागिएको नेपाली चलचित्र ‘क्याप्टेन’ को सुटिङ इलाममा जारी चौथो माइभ्याली गोल्ड कप फुटबल प्रतियोगिताको फाइनलअघि हुने भएको छ । त्यसका लागि कलाकार अनमोल केसीसहितको टोली इलाम पुगिसकेको छ ।
तस्बिर: सिनेलहर
माइभ्यालीको फाइनलमा सोमबार रुस्लान थ्री स्टार क्लब र लक्ष्मी हुन्डाई मनाङ मस्र्याङ्दीबीच प्रतिस्पर्धा हुँदैछ । क्याप्टेनको सुटिङ भने फाइनल अघि नै हुने गरि आयोजक माइभ्याली फुटबल क्लबका अध्यक्ष धिरेन चेम्जोङले हाम्रो खेलकुदलाई जानकारी दिए ।
‘भुवनदाई सहितको टोली हिजो राती नै आइसक्नु भएको छ । भोली फाइनलअघि २/३ घन्टा सुटिङका लागि हामीले समय दिएका छौं,’ उनले भने,‘ इलाम र फुटबलकै प्रमोसन हुने भएकाले हामीले उहाँको प्रस्तावलाई सहर्ष स्वीकार गरेका हौं ।’ फिल्ममा स्थानिय फुटबल खेलाडीकै टोली तयार पार्ने अध्यक्ष चेम्जोङले बताए । ‘हामीले टोली जुटाइदिन भन्नुभएको छ,’ उनले भने,‘हामीले त्यहि अनुसारको व्यवस्था मिलाएका छौं ।’
केसीले फुटबल खेलाडी संघर्ष र उसको परिवारको कथा बस्तुलाई लिएर क्याप्टेन चलचित्र बनाउन लागेको बताइएको छ । चलचित्रको विषयमा केसीले नेपाली राष्ट्रिय टोलीका पूर्व कप्तान हरि खड्कासँग पनि सहकार्य गरिरहेका छन् । चलचित्रकै लागि खड्काले शुक्रबार अनमोललाई फुटबलको अभ्यास गराएका थिए ।
खड्काले अनमोलमा कामप्रतिको लगाव पाएको अनुभव गरे । ‘आफ्नो काममा एकदमै लगाव देखे । छिटो पनि सिक्ने रहेछन्,’ उनले भने,‘ उनको काममा व्यावसायिकता देखिन्छ । सायद त्यसैले पनि उनी यो क्षेत्रमा चाँडै सफल पनि भए । ’ फिल्म युनिटले आफुलाई पनि इलाम जान अनुरोध गरेपनि व्यक्तिगत कारणले जान नसकेको हरिले सुनाए ।
‘हामी अधिकांश फुटबल खेलाडीको वास्तविक कथासँग मेल खाने खालको फिल्म भएकोले राम्रो बनोस् भन्ने कामना गर्दछु,’ उनले थपे,‘व्यावसायिक रुपमा पनि सँगै काम गर्ने भन्ने छलफल भएको छ । तर, कुनै निर्णय भएको छैन । ’ चलचित्रकै लागि कलाकार सरोज खनालले पनि फुटबल अभ्यास सुरु गरेका छन् ।
नेपाल खेलकुद पत्रकार मञ्च र अखिल नेपाल फुटबल संघ (एन्फा) बीच बुधबार भएको मैत्रीपूर्ण खेलमा खनाल पनि एन्फा टोलीबाट खेलेका थिए । केसीले बनाउने अधिकांश फिल्म सफल भएको चर्चा गर्दै खनालले हाम्रो खेलकुदसँग भनेका थिए,‘ उहाँका फिल्मको कथाबस्तु पनि त्यत्तिकै राम्रो हुन्छ । फुटबल खेलाडीको संघर्षको कथा भएकोले यो फिल्म पनि राम्रै बन्ने विश्वास छ ।’
December 20, 2025
एजेन्सी – बोरुसिया डर्टमुन्डले बोरुसिया मोनचेनग्लाडबाचलाई २-० ले हराएको छ। जितसँगै डोर्टमुन्ड बुन्डेसलिगा तालिकाको दोस्रो स्थानमा उक्लिएको छ। खेलको १०औँ मिनेटमै डर्टमुन्डले अग्रता लिएको थियो। निक्लास जुलको क्रसमा जुलियन ब्रान्ड्टले सजिलै गोल गरे। पहिलो हाफमा मोनचेनग्लाडबाच कमजोर देखियो। उसले केही प्रहार गरे पनि गोल गर्न सकेन। डर्टमुन्डले दोस्रो गोलका अवसर पनि बनायो तर गोल हुन […]
December 20, 2025
एजेन्सी – इन्टर मिलानलाई पेनाल्टी सुटआउटमा हराउँदै बोलोग्ना इटालियन सुपर कपको फाइनलमा पुगेको छ। साउदी अरेबियाको अल-अव्वाल पार्कमा भएको सेमिफाइनल खेल निर्धारित ९० मिनेटमा १-१ को बराबरीमा सकिएपछि खेल पेनाल्टी सुटआउटमा पुगेको थियो। जस बोलोग्ना ३-२ ले विजयी भयो। खेल सुरु भएको दोस्रो मिनेटमा इन्टरले अग्रता लिएको थियो। ७२ सेकेन्डमै मार्कस थुरामले भलीमार्फत सानदार गोल […]
December 19, 2025
काभ्रे (हाम्रो खेलकुद)- आयोजना काभ्रेपलाञ्चोक साँगाको नेपाल पुलिस स्कुलले ३१औं अन्तर माध्यामिक विद्यालय आइजिपी फुटबल प्रतियोगिताको रनिङ ट्रफी जितेको छ । भक्तपुरको सैनिक आवसीय महाविद्यालयलाई १-० ले हराउँदै पुलिस स्कुलले उपाधि जितेको हो। रोनी विक्रम शाहले नवौं मिनेटमा गरेको गोल खेलको निर्णायक बन्यो। रोनी फाइनल अफ दि म्याच घोषित भए। प्रतियोगितामा पिस पोइन्ट बोर्डिङ स्कुल […]
