मस्को (एजेन्सी) – विश्वको सबैभन्दा चर्चित प्रतियोगिता, फुटबलको महाकुम्भ विश्वकप २०१८ जुन १४ मा रुसमा सुरु हुँदैछ । विश्वकपमा सामेल केही दाबेदारहरु आज मैत्रीपूर्ण खेल खेल्दै छन्, र ती मध्ये ३ रोमाञ्चक तथा महत्त्वपूर्ण खेलहरु यी हुन् :

१) अष्ट्रिया विरुद्ध जर्मनी

समय: नेपाली समयअनुसार रातिको ९.४५ बजे

साविक विजेता जर्मनी प्रतियोगिता सुरु हुनु अघि लयको खोजिमा हुने छ । अर्को तर्फ, अष्ट्रिया भने विश्वकपमा छनोट हुन असफल राष्ट्र हो । जर्मनीले आफ्नो सुरुवाती ११ मा आज सबै महत्त्वपूर्ण खेलाडीहरुलाई सामेल गर्ने देखिएको छ । जर्मनी विश्वकपको समूह ‘एफ’मा दक्षिण कोरिया, मेक्सिको र स्विडेनसँग रहेको छ ।

२) बेल्जियम विरुद्ध पोर्चुगल

समय: नेपाली समयअनुसार रातिको १२.३० बजे

बेल्जियम र पोर्चुगल दुवै राष्ट्र शीर्ष दाबेदार नमानिए पनि बलिया टोलीका रुपमा हेरिएका छन् । च्याम्पियन्स लिग विजेता क्रिस्टियानो रोनाल्डो आज आफ्नो राष्ट्रको जर्सीमा उत्रिने सम्भावना छ, भने बेल्जियम अग्रपंक्तिमा निकै बलियो रहेकाले पनि यस खेलमा धेरै गोल हुने अपेक्षा गरिएको छ । बेल्जियम विश्वकप समूह ‘जी’ मा इंग्ल्यान्ड, पानामा र टुनिसियासँग रहेको छ भने पोर्चुगल समूह ‘सी’ मा स्पेन, मोरक्को र इरानसँग रहेको छ ।

३) इंग्ल्यान्ड विरुद्ध नाइजेरिया

समय: नेपाली समयअनुसाअर रातिको १० बजे

खेलाडीहरु उत्कृष्ट रहे पनि संयोजनको कमी भएको आलोचना इंग्ल्यान्डले खेप्दै आइरहेको छ । यस विश्वकपमा युवा इंग्ल्यान्ड टोली सो आलोचनालाई गलत सावित गर्ने दाउमा हुने छ । त्यस्तै अर्जेन्टिना, आइसल्यान्ड र क्रोएसियासँग समूह ‘डी’ अर्थात ग्रुप अफ डेथमा रहेको नाइजेरिया आफ्नो पनि अन्तिम १६ मा छनोट हुने अवसर रहेको विश्लेषकहरुलाई पुष्टी गर्न तत्पर छ ।