भरतपुर, ९ भदौ
बसन्तपुर युनाइटेड माडी भरतपुरमा जारी पहिलो सीएमसी भरतपुर गोल्डकप–२०७२ को सेमीफाइनलमा प्रवेश गरेको छ ।
सीएमसी भरतपुर गोल्डकप–२०७२
वुधबारको खेलमा नारायणगढ फुटबल क्लब (एनएफसी) लाई ३–२ गोलअन्तरले पराजित गर्दै माडीले अन्तिम ४ को यात्रा तय गरेको हो ।
माडीका लागि टंक लामाले २ तथा विनोद दराईले १ गोल गरे । त्यस्तै एनएफसीका लागि कप्तान साजन श्रेष्ठ र कुशल श्रेष्ठले समान एक–एक गोल गरे । माडीका टंक लामा म्यान अफ दी म्याच घोषित भए । दोस्रो क्वाटरफाइनलमा विहीबार भदौ १० गते भरतपुर फुटबल क्लब (बीएफसी) र टाडी फुटबल क्लबले प्रतिस्पर्धा गर्नेछन् ।
भदौ ५ गतेदेखि सुरु प्रतियोगितामा १२ टिम सहभागी थिए । विजेताले १ लाख ११ हजार १ सय ११ रुपैया पुरस्कार पाउनेछ । प्रतियोगिता संयुक्त एम्बुलेन्स चालक संघ नेपालको आयोजना तथा भरतपुर फुटबल क्लबको सहआयोजनामा सञ्चालन गरिएको हो ।
