काठमाडौं (हाम्रो खेलकुद) – यु–१५ महिला साफ च्याम्पियनका लागि नेपाली टोली मंगलबार भुटानतर्फ जाने भएको छ । यु–१५ महिला साफ च्याम्पियनसिप अगस्ट ९ देखि १८ तारिखसम्म भुटानको राजधानी थिम्पुमा हुदैछ । च्याम्पियनसिपमा नेपाल समूह ‘बी’ मा रहेको छ । नेपालको समूहमा पाकिस्तान र बंगलादेश रहेका छन् । नेपालले अगस्ट ११ मा पाकिस्तान र १३ मा बंगलादेशसँग प्रतिस्पर्धा गर्नेछ ।

अखिल नेपाल फुटबल संघका अध्यक्ष कर्मा छिरिङ शेर्पाले एन्फाले महिलाको सिनियर र उमेर समूह सबै टोलीको विकासमा ध्यान दिएको बताएका छन् । उनले दुई महिना तयारी गरेको टोलीबाट भुटानमा सफल नतिजा आउनेमा एन्फा आशावादी रहेको पनि जनाए ।

अध्यक्ष शेर्पाले एन्फाले बढी भन्दा बढी महिला खेलाडी उत्पादनका लागि वातावरण तयार पार्ने प्रतिबद्धता व्यक्त गरे । महिला टोलीलाई युवा तथा खेलकुद मन्त्रालयका सचिव मोहनकृष्ण सापकोटा र एन्फा अध्यक्ष शेर्पा, पदाधिकारीले सोमबार एन्फामा आयोजित कार्यक्रममा विदाई गरे ।

नेपाली टोली

गोलकिपर–सावित्री किसान, पुजा थापा, करिना धिमाल

डिफेन्डर – खुस्मा राई, पुष्पा गुरुङ, सुरक्षा सिंह, सरिष्मा थापामगर, सलोनी रानामगर, सरिता न्यौपाने, सबिना चौधरी, मनमाया परियार

मिडफिल्ड – प्रिति राई (कप्तान) , सुष्मा तामाङ, रिया बानु, मनिषा बिष्ट, सबिता रानामगर, पुनम घिमिरे, अस्मिता चौधरी, सरस्वती हमाल,

फरवार्ड – रजनी थोकर, निकिता थोकर, चन्द्रा भण्डारी, अनुष्का शेर्पा

मुख्य प्रशिक्षक – गंगा गुरुङ

प्रशिक्षक – श्याम मानन्धर

गोलकिपर प्रशिक्षक – विनोद महर्जन

अफिसयल-वृन्दा देवान

म्यानेजर -नन्द कला थापा मगर

फिजियाे -अाभासना श्रेष्ठ

टेक्निकल डारेक्टर -ताकेदा चयाकी

महिला राष्ट्रिय टिम प्रशिक्षक– हरि खड्का

अफिसयल-श्याम मानन्धर

मिडिया– मुना कार्की

रेफ्रीहरु -अस्मिता मानन्धर र बिना श्रेष्ठ