6 years ago
August 7, 2018
ब्यूनर्स आयर्स (एजेन्सी)– अर्जेन्टिना फुटबल टोलीका अन्तरिम प्रशिक्षक लियोन स्कालोनीले सुपर स्टार लियोन मेस्सीको अन्तर्राष्ट्रिय फुटबल भविष्यका बारेमा अब हुने टोलीको घोषणाका क्रममा थाहा हुने बताएका छन् ।
स्कालोनीले भने,‘हामीले जति बेला टोलीको नाम सार्वजनिक गर्छौ त्यति बेला के गर्छौ भन्ने थाहा हुनछ ।’ रसिया विश्व कपको कमजोर प्रदर्शनपछि ३१ वर्षे मेस्सीले दोस्रो पटक अन्तर्राष्ट्रिय फुटबलबाट सन्यास लिन सक्ने चर्चा सुरु भएको थियो ।
यसअघि मेस्सीले अन्तर्राष्ट्रिय फुटबलबाट लिएको सन्यास दबाबका कारण फिर्ता लिएका थिए । रसिया विश्व कपमा अर्जेन्टिनाले खेलका ४ खेलमा मेस्सी १ गोल मात्र गर्न सफल भएका थिए ।
अर्जेन्टिना प्रिक्वार्टरफाइनलमा फ्रान्ससँग ४–३ ले पराजित हुँदै विश्व कपबाट बाहिरिएको थियो । मेस्सीले अर्जेन्टिना फुटबल संघसँगको छलफलपछि आफ्नो भविष्यका बारेमा निर्णय गर्ने विश्वास लिइएको छ ।
विश्व कपपछि जार्ज साम्पोलीले प्रशिक्षक पदबाट राजीनामा दिएपछि अहिले टोलीको अन्तरिम प्रशिक्षकमा स्कालोनी रहेका छन् । ‘हामीले टोलीको नामावली तयार पारेका छैनौं । जति बेला हामी नामावली तयार पार्छौ त्यहि बेला के हुन्छ , स्कालोनीले भने,‘इमान्दार भएर भन्नुपर्दा मलाई मेस्सीसँग कुरा गर्न कुनै अप्ठेरो छैन ।
उनले मेस्सीलाई जहिले पनि आधारपूर्वक व्यवहार हुने पनि प्रष्ट पारे । स्कालोनीले ‘उनी जुन सम्मानको हकदार हुन् त्यहि अनुसारको व्यवहार हुनेछ । सबैलाई थाहा छ उनी सबैका लागि कति महत्वपूर्ण छन् ।
अर्जेन्टिनाले अर्को महिना ग्वाटेमाला र कोलम्बियासँग मैत्रीपूर्ण खेल खेल्नेछ । अगस्ट १९ सम्ममा टोलीको नाम सार्वजनिक हुने विश्वास गरिएको छ । त्यति बेला मेस्सीको अन्तर्राष्ट्रिय फुटबल भविष्यका बारेमा संकेत गर्ने अनुमान गरिएको छ ।
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]
May 17, 2024
एजेन्सी – स्पेनिस युवा विंगर फर्मिन लोपेजको दुई गोल मद्दतमा बार्सिलोनाले स्पेनिस ला लिगामा सहज जित दर्ता गरेको छ । बार्सिलोनाले रेलिगेसनमा परिसकेको घरेलु टोली अल्मेरियामाथि २–० को सहज जित दर्ता गरेको हो । फर्मिनले दुवै हाफमा गोल गर्दै बार्सिलोनालाई जित दिलाए । अल्मेरियामा बिहीबार राति भएको खेलको १४औं मिनेटमा पहिलो गोल गरेका लोपेजले ६७औं […]
May 16, 2024
ललितपुर (हाम्रो खेलकुद) – चन्द्रागिरी नगरपालिका र काठमाडौं महानगरपालिका प्रथम गोदावरी उपत्यका ब्यापी अन्तर पालिका मेयर कप फुटबल प्रतियोगिताको उपाधिका लागि भिड्ने भएका छन् । च्यासल मैदानमा बिहीबार चन्द्रागिरीले महालक्ष्मी नगरपालिकालाई तथा काठमाडौंले मध्यपुर थिमि नगरपालिकालाई हराउँदै एकअर्कासँगको भेट पक्का गरेका हुन् । पहिलो सेमिफाइनलमा चन्द्रागिरीले महालक्ष्मीलाई १–० ले हराएको हो । ५५ औं मिनेटमा […]