बार्सिलोना (एजेन्सी)– बार्सिलोनाले नयाँ सिजन २०१८१९ का लागि लियोनल मेस्सीसहित ४ जनालाई कप्तान तोकेको छ । आन्द्रे इनियस्टा बार्सिलोना छाडेपछि बार्सिलोनाले मेस्सीलाई नियमित कप्तान तोकेको हो । इनियस्टा बार्सिलोनासँगको लामो सहकार्यको अन्त्य गर्दै जापानी क्लब भिसेल कोबेमा आबद्ध भएका थिए ।

मेस्सी नयाँ सिजनका लागि नियमित कप्तान हुनेछन् । तर, सर्जियो बुस्केट्स, जेरार्ड पिके र सर्जियो रोर्बेटोलाई पनि आवश्यकता पर्दा कप्तानको जिम्मेवारी दिन सक्ने बताइएको छ । चारै जना क्लबको ला मेसिया एकेडेमीका उत्पादन हुन् । २०१४ १५ मा बार्सिलोनाले जाभी, इनियस्टा, मेस्सी र बुस्केट्सलाई कप्तान बनाउँदै ४ कप्तानको परम्पराको सुरुवात गरेको थियो ।

जाभियर मास्केरानोको ठाँउ रोर्बेटोले लिएका छन् । झन्डै १० वर्षदेखि टोलीका नियमित सदस्य रहेका कप्तानको सुचिमा परेका छन् । २००४ मा १७ वर्षको उमेरमा सिनियर टोलीबाट डेब्यू गरेका मेस्सी १४ वर्षपछि टोलीको नियमित कप्तान बनेका छन् ।

त्यसहता सबै प्रतियोगितामा गरि ६ सय ३७ गोल गरेका मेस्सी क्लबकै सर्वाधिक सफल खेलाडी हुन् । उनले टोलीका लागि ५ सय ५२ गोल गर्दै ९ ला लिगा उपाधि र ४ च्याम्पियन्स लिग उपाधि जितेका छन् । नियमित कप्तानका रुपमा मेस्सीले आइतबार सेभियाविरुद्धको स्पेनिस सुपर कप खेल्नेछन् ।